വിവാഹചടങ്ങിലെ കൈയ്യാങ്കളികള്‍ ഇപ്പോള്‍ സോഷ്യല്‍ മീഡിയയില്‍ ഒരു ട്രെന്റായിരിക്കുകയാണല്ലോ. ഒന്നുകില്‍ വരന്‍ മദ്യപിച്ച് വഴക്കടിക്കുന്ന രംഗങ്ങള്‍.. അല്ലെങ്കില്‍ സദ്യയ്‌ക്കിടെയുണ്ടാകുന്ന അടിപിടി അങ്ങനെ. സോഷ്യല്‍ മീഡിയയില്‍ ഉത്തരേന്ത്യയില്‍ നിന്നുള്ള രംഗമാണ് ഇപ്പോള്‍ തരംഗമായിരിക്കുന്നത്.
വിവാഹവിരുന്നില്‍ വിളമ്പിയ ബിരിയാണിയില്‍ കോഴിക്കാല്‍ ഇല്ലാത്തതിന്റെ പേരില്‍ വധുവിന്റെ ബന്ധുക്കളെ മര്‍ദ്ദിക്കുന്ന വരന്റെ ബന്ധുക്കളുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഉത്തര്‍പ്രദേശിലെ ബറേലിയിലാണ് സംഭവം .
बारात में बिरयानी चिकन लेग पीस ना मिलने पर जमकर हुआ बवाल दूल्हे और बारातियों की जमकर पिटाई #Chicken @AshwiniSahaya pic.twitter.com/5nZWZsV5vD
— Raajeev Chopra (@Raajeev_Chopra) June 24, 2024
വിവാഹ വിരുന്നില്‍ വിളമ്പിയ ബിരിയാണിയില്‍ ചിക്കന്‍ ലെഗ് പീസ് ഇല്ലെന്നായിരുന്നുവെന്നാണ് വരന്റെ പക്ഷം കണ്ടെത്തിയ കുറ്റം. ഇതിനു പിന്നാലെ ഇരുവരും തമ്മില്‍ തര്‍ക്കങ്ങള്‍ ഉടലെടുത്തു. ഇത് പതുക്കെ കൈയ്യാങ്കളിയിലേയ്‌ക്ക് മാറുകയായിരുന്നു. സംഭവത്തില്‍ പാചകക്കാരും വധുവിന്റെ വീട്ടുകാരും ആക്രമിക്കപ്പെട്ടു.
കോഴിക്കാല്‍ കിട്ടാത്ത ദേഷ്യത്തില്‍ വരന്റെ ബന്ധുക്കള്‍ കസേര എടുത്ത് വധുവിന്റെ ബന്ധുക്കളെ മര്‍ദ്ദിച്ചു. ‘ബിരിയാണിയിലെ ചിക്കന്‍ ലെഗ് പീസ് വീണ്ടും വിവാഹ വീട്ടില്‍ കോലാഹലമുണ്ടാക്കുന്നു.’ എന്ന കുറിപ്പോടെയാണ് സംഭവത്തിന്റെ വീഡിയോ സമൂഹമാദ്ധ്യങ്ങളില്‍ പ്രചരിക്കുന്നത്.
