ഗൂഗിള് എ ഐ ആപ്ലിക്കേഷനായ ജെമിനി എ ഐ ഇന്ത്യയില് അവതരിപ്പിച്ച് ഗൂഗിള്. ഹിന്ദി, ബംഗാളി, ഗുജറാത്തി, കന്നഡ, മലയാളം, മറാത്തി, തമിഴ്, തെലുങ്ക്, ഉറുദു ഭാഷകളിലാണ് സേവനം ലഭ്യമാവുക. ഫെബ്രുവരിയിലാണ് ഗൂഗിള് ബാര്ഡ് എ ഐ ജെമിനി എന്ന പേരിലേക്ക് മാറ്റുകയും പ്രത്യേക ആപ്ലിക്കേഷനായി പുറത്തിറക്കുകയും ചെയ്തത്.
തങ്ങള് ഈ പ്രാദേശിക ഭാഷകളെ ജെമിനി അഡ്വാന്സ്ഡിലേക്കും മറ്റ് പുതിയ സവിശേഷതകളിലേക്കും ചേര്ക്കുന്നതായി ഗൂഗിള് മാതൃ കമ്പനിയായ ആല്ഫബെറ്റിന്റെ സിഇഒ സുന്ദര് പിച്ചൈ എക്സില് പോസ്റ്റ് ചെയ്തു.
Exciting news! 🇮🇳 Today, we're launching the Gemini mobile app in India, available in English and 9 Indian languages. We’re also adding these local languages to Gemini Advanced, plus other new features, and launching Gemini in Google Messages in English. https://t.co/mkdSPZN5lE
— Sundar Pichai (@sundarpichai) June 18, 2024
ഇന്ത്യയിലെ ജെമിനി അഡ്വാന്സ്ഡ് ഉപയോക്താക്കള്ക്ക് ഇപ്പോള് ഒമ്പത് ഭാഷകളില് അതിന്റെ ഏറ്റവും നൂതന മോഡലായ ജെമിനി 1.5 പ്രോയുടെ പവര് ആക്സസ് ചെയ്യാന് കഴിയും. തങ്ങള് ജെമിനി അഡ്വാന്സ്ഡില് പുതിയ ഡാറ്റാ വിശകലന ശേഷികളും ഫയല് അപ്ലോഡുകളും പോലെയുള്ള നവീനമായ ഫീച്ചറുകള് അണ്ലോക്ക് ചെയ്യുന്നതായി ജെമിനി എന്ജിനീയറിങ് വൈസ് പ്രസിഡന്റ് അമര് സുബ്രഹ്മണ്യ പറഞ്ഞു. ഇംഗ്ലീഷില് ഗൂഗിള് മെസേജിലൂടെ ജെമിനിയുമായി ചാറ്റ് ചെയ്യാനുള്ള സേവനവും ആരംഭിക്കുന്നുവെന്നും അമര് പറഞ്ഞു. അടുത്ത ഏതാനും ആഴ്ചകള്ക്കുള്ളില് ഗൂഗിളില് നിന്ന് നേരിട്ട് ജെമിനി ആക്സസ് ലഭ്യമാകും.
അതേസമയം ഇന്ത്യന് ഉപഭോക്താക്കള്ക്ക് ആപ്പ് ലഭിക്കുന്നതിനായി ഏകദേശം നാല് മാസങ്ങളോളം കാത്തിരിക്കേണ്ടി വരും. ആപ്പ് വരുന്നതോടെ ഗൂഗിള് ചാറ്റ് ബോട്ടുകള് ഉപയോഗിക്കുന്നത് കൂടുതല് എളുപ്പമാകും.
