കൊച്ചി: ആര്എല്വി രാമകൃഷ്ണനെ ജാതീയമായി അധിക്ഷേപിച്ചെന്ന കേസില് നര്ത്തകി സത്യഭാമ കീഴ്കോടതിയില് കീഴടങ്ങണമെന്നു ഹൈക്കോടതി നിര്ദേശിച്ചു.
ഒരാഴ്ചയ്ക്കുള്ളില് കേസ് പരിഗണിക്കുന്ന തിരുവനന്തപുരത്തെ കോടതിയില് ഹാജരാകണമെന്നാണ് നിര്ദേശം. അന്നേദിവസം തന്നെ കീഴ്കോടതി ജാമ്യാപേക്ഷ പരിഗണിച്ച് ഉചിതമായ തീരുമാനം എടുക്കണമെന്നും കോടതി നിര്ദേശിച്ചു. സത്യഭാമ സമര്പ്പിച്ച മുന്കൂര് ജാമ്യാപേക്ഷ തീര്പ്പാക്കിയാണ് ഹൈക്കോടതിയുടെ നിര്ദേശം.
