ന്യൂഡൽഹി: മൂന്നാം തവണയും അധികാരത്തിലെത്തി സത്യപ്രതിജ്ഞ ചെയ്തതിന് പിന്നാലെ സമൂഹമാദ്ധ്യമങ്ങളിലെ പ്രൊഫൈൽ ചിത്രങ്ങളിൽ മാറ്റം വരുത്തി പ്രധാനമന്ത്രി നരേന്ദ്ര മോദി. സത്യപ്രതിജ്ഞ ചെയ്ത് രണ്ട് ദിവസത്തിന് ശേഷം ഇന്നാണ് സമൂഹമാദ്ധ്യമ പ്ലാറ്റ്ഫോമായ എക്സിൽ പ്രധാനമന്ത്രി ചിത്രങ്ങൾ അപ്ഡേറ്റ് ചെയ്തത്. പ്രധാനമന്ത്രിയുടെ എക്സ് ഹാൻഡിലിലെ കവർ ചിത്രത്തിലും മാറ്റം വരുത്തിയിട്ടുണ്ട്.
കവർ ചിത്രത്തിൽ അദ്ദേഹത്തിന്റെ എല്ലാ കാബിനറ്റ് മന്ത്രിമാരെയും കാണംാം. പ്രൊഫൈൽ ചിത്രത്തിൽ വെള്ള കുർത്തയും മഞ്ഞ ഹാഫ് ജാക്കറ്റുള്ള വസ്ത്രമാണ് പ്രധാനമന്ത്രി ധരിച്ചിരുന്നത്. ജൂൺ ഒമ്പതിന് രാഷ്ട്രപതി ഭവനിൽ വച്ച് തുടർച്ചയായി മൂന്നാം തവണയും പ്രധാനമന്ത്രി നരേന്ദ്രമോദി സത്യപ്രതിജ്ഞ ചെയ്തു.
