ബംഗളൂരു: രേണുകാസ്വാമി വധക്കേസില്‍ കന്നഡ സൂപ്പര്‍ താരം ദര്ശന് തുഗുദീപയുടെ അറസ്റ്റിന് പിന്നാലെ നടി പവിത്ര ഗൗഡയെയും പൊലീസ് കസ്റ്റഡിയിലെടുത്തു.
അന്നപൂര്‍ണേശ്വരി നഗര്‍ പൊലീസ് സ്റ്റേഷനില്‍ നടിയെ അന്വേഷണ സംഘം ചോദ്യം ചെയ്തു വരികയാണ്. നിലവില്‍ ഇവരെ അറസ്റ്റ് ചെയ്തിട്ടില്ല.
മൈസൂരുവിലെ ഫാം ഹൗസില്‍നിന്നാണ് ചൊവ്വാഴ്ച ബംഗളൂരു സിറ്റി പൊലീസ് ദര്‍ശനെ അറസ്റ്റ് ചെയ്തത്.പവിത്ര ഗൗഡയ്‌ക്ക് രേണുകാസ്വാമി അശ്ലീല സന്ദേശം അയച്ചതിനെ തുടര്‍ന്ന് ദര്ശന് ഇയാളെ ക്വട്ടേഷന്‍ നല്‍കി കൊലപ്പെടുത്തി എന്നാണ് കേസ്.രേണുക സ്വാമിയെ ബംഗളുരുവിന് അടുത്തുള്ള സോമനഹള്ളിയില്‍ കഴിഞ്ഞ ദിവസമാണ് മരിച്ചനിലയില്‍ കണ്ടെത്തിയത്.
അഴുക്കുചാലില്‍ കിടന്നിരുന്ന രേണുകാ സ്വാമിയുടെ മൃതദേഹം തെരുവുനായകള്‍ കടിച്ചുവലിക്കുന്നത് കണ്ട് പ്രദേശവാസികളാണ് പൊലീസില്‍ അറിയിച്ചത്. ആദ്യം ആത്മഹത്യ എന്നാണ് കരുതിയതെങ്കിലും പിന്നീട് കൊലപാതകമെന്ന് വ്യക്തമാവുകയായിരുന്നു.
ദര്‍ശന്റെ നിര്‍ദ്ദേശ പ്രകാരം രേണുകാസ്വാമിയെ പിടിച്ചുകൊണ്ടുവന്നു താരത്തിന്റെ ബംഗളൂരു ആര്‍ആര്‍ നഗറിലുള്ള വീടിന്റെ കാര്‍പോര്‍ച്ചില്‍വച്ച് ക്രൂരമായി മര്‍ദിച്ചു എന്നാണ് ക്വട്ടേഷന്‍ സംഘാംഗങ്ങള്‍ പൊലീസിനോട് പറഞ്ഞത്. ദര്‍ശനും ഇയാളെ മര്‍ദിച്ചതായി സംഘം വെളിപ്പെടുത്തി. മര്‍ദ്ദനത്തില്‍ കൊല്ലപ്പെട്ട രേണുകാ സ്വാമിയുടെ മൃതദേഹം കാമാക്ഷിപാളയത്തിലെ ഒരു പാലത്തിനടിയില്‍ തള്ളുകയായിരുന്നു.
കൊലപാതകത്തിന്റെ ഉത്തരവാദിത്തം ഏറ്റ് ഗിരിനഗര്‍ സ്വദേശികളായ മൂന്നുപേര്‍ തിങ്കളാഴ്ച പൊലീസില്‍ കീഴടങ്ങിയിരുന്നു. വിശദമായ ചോദ്യം ചെയ്യലിലാണ് കൊലപാതകത്തിന് പിന്നിലെ യഥാര്‍ഥ കാരണം വെളിവായത്. സാമ്പത്തിക തര്‍ക്കമാണ് ക്വട്ടേഷന്‍ സംഘാംഗങ്ങള്‍ ദര്‍ശന്റെ പേര് വെളിപ്പെടുത്താന്‍ കാരണമെന്നാണ് ആക്ഷേപം.
