മുംബൈ: നടി നൂര് മാളവിക ദാസിനെ മുംബൈ അന്ധേരിയിലെ അപ്പാര്ട്ട്മെന്റില് സീലിംഗ് ഫാനില് തൂങ്ങിമരിച്ച നിലയില് കണ്ടെത്തി. അപ്പാര്ട്ട്മെന്റില് നിന്ന് ദുര്ഗന്ധം വമിക്കുന്നതായി അയല്വാസികള് അറിയിച്ചതിനെ തുടര്ന്ന് പൊലീസെത്തി പരിശോധിച്ചപ്പോഴാണ് മരിച്ച നിലയില് കണ്ടെത്തിയത്.
അസം സ്വദേശിനിയും 37 കാരിയുമായ നൂര് എയര് ഹോസ്റ്റസ് ആയിരിക്കെയാണ് ഹിന്ദി വെബ് സീരീസുകളിലൂടെ ശ്രദ്ധ നേടിയത്. ‘സിസ്കിയാന്’, ‘വാല്കമാന് ഉപായ’, ‘ചരംസുഖ്’ എന്നിവയുള്പ്പെടെ നിരവധി വെബ് സീരീസുകളില് പ്രധാന വേഷങ്ങള് ചെയ്തു. ‘ദി ട്രയല്’ എന്ന ചിത്രത്തില് കജോളിന് ഒപ്പം അഭിനയിച്ചിട്ടുണ്ട്. ഏറെക്കാലമായി വിഷാദരോഗത്തിന് അടിമയായിരുന്നെന്ന് പറയപ്പെടുന്നു.ആത്മഹത്യയെക്കുറിച്ച് സമഗ്രമായ അന്വേഷണം നടത്തണമെന്ന് ഓള് ഇന്ത്യന് സിനി വര്ക്കേഴ്സ് അസോസിയേഷന് മുഖ്യമന്ത്രിയോട് ആവശ്യപ്പെട്ടു.
