വര്ക്കല: ലോകത്തിലെ എല്ലാ അശാന്തികള്ക്കും അറുതി വരുത്താന് ആത്മീയതയിലൂന്നിയ മാതൃശക്തിക്കു മാത്രമെ സാധിക്കൂവെന്ന് ശ്രീനാരായണ ധര്മസംഘം പ്രസിഡന്റ് സ്വാമി സച്ചിദാനന്ദ പറഞ്ഞു.
ശ്രീനാരായണ ഗുരുദേവന്റെ ദര്ശനത്തിലധിഷ്ഠിതമായ ശരിയായ ആത്മീയതയിലുള്ള മാതൃശക്തി ശിവഗിരിയില് നിന്നും ഉയര്ത്തെഴുന്നേല്ക്കുമെന്ന് അദ്ദേഹം പറഞ്ഞു. ഗുരുധര്മപ്രചരണ സഭയുടെ പോഷക സംഘടനയായ മാത്യസഭയുടെ കേന്ദ്ര പ്രതിനിധി സഭ ഉദ്ഘാടനം ചെയ്യുകയായിരുന്നു സ്വാമി സച്ചിദാനന്ദ.
യോഗത്തില് ധര്മസംഘം ട്രസ്റ്റ് ട്രഷറര് സ്വാമി ശാരദാനന്ദ അധ്യക്ഷത വഹിച്ചു. ഗുരുധര്മപ്രചരണ സഭ സെക്രട്ടറി സ്വാമി അസംഗാനന്ദഗിരി, സ്വാമി അംബികാനന്ദ, സഭാ വൈസ് പ്രസിഡന്റ് അഡ്വ. വി.കെ. മുഹമ്മദ്, രജിസ്ട്രാര് അഡ്വ. പി.എം. മധു, പി.ആര്ഒ വി. കെ. ബിജു, ജോ. രജിസ്ട്രാര് അജയകുമാര് കണ്ണൂര്, കോഓര്ഡിനേറ്റര് പുത്തൂര് ശോഭനന്, യുവജന സഭ അഡ്ഹോക് കമ്മിറ്റി ചെയര്മാന് രാജേഷ് സഹദേവന്, മണിയമ്മ ഗോപിനാഥ്, ശ്രീജ ജി. ആര്., ഡോ. അനിതാ ശങ്കര്, പി.കെ. ഗൗരി, ഷൈലജ പൊന്നപ്പന് എന്നിവര് സംസാരിച്ചു.
മാതൃസഭ കേന്ദ്രസമിതി പ്രസിഡന്റായി ഡോ. അനിത ശങ്കര്, വൈസ് പ്രസിഡന്റുമാരായി ഷൈലജ പൊന്നപ്പന് (കോട്ടയം), മണിയമ്മ ഗോപിനാഥ് (പത്തനംതിട്ട), സെക്രട്ടറിയായി ശ്രീജ ജി.ആര്. (കൊല്ലം), ജോ. സെക്രട്ടറിമാരായി സിന്ധു ഷാജി (എറണാകുളം), വിമല (കായംകുളം), ലീലാ ബോസ് ചെങ്ങന്നൂര് (തൃശ്ശൂര്), ട്രഷറര് ഷാലി വിനയന് (എറണാകുളം) എന്നിവരെ തെരെഞ്ഞെടുത്തു.
