രമണ മഹര്‍ഷിയുടെ ദിവ്യധാമം എന്ന നിലയിലാണ് അരുണാചലത്തിന്റെ പ്രസക്തി. തമിഴ്‌നാട്ടിലെ തിരുവണ്ണാമല ജില്ലയിലാണ് അരുണാചലം സ്ഥിതി ചെയ്യുന്നത്. അരുണാചലേശ്വര ക്ഷേത്രം തമിഴ്‌നാട്ടിലെ പ്രധാന ശിവക്ഷേത്രങ്ങളില്‍ ഒന്നാണ്. പഞ്ചഭൂതങ്ങളില്‍ അഗ്നിതത്്ത്വത്തിനു പ്രാധാന്യം കല്‍പ്പിക്കപ്പെട്ടിരിക്കുന്ന ഇവിടുത്തെ അഗ്നി തീര്‍ത്ഥവും ഏറെ പ്രശസ്തമാണ്.
സ്‌കന്ദപുരാണത്തില്‍ അരുണാചലത്തെക്കുറിച്ച് പരാമര്‍ശമുള്ളതില്‍ നിന്നു തന്നെ ഈ മലയുടേയും സമീപസ്ഥലങ്ങളുടേയും പ്രാധാന്യംവ്യക്തമാകുന്നുണ്ട്. സ്‌കന്ദപുരാണത്തിലെ ഏഴു സംസ്‌കൃത ശ്ലോകങ്ങള്‍ തമിഴിലേക്ക് രമണമഹര്‍ഷി മൊഴിമാറ്റിയിട്ടുണ്ട്. അരുണാചല മാഹാത്മ്യം എന്ന പേരിലാണ് ഇതു തമിഴില്‍ അറിയപ്പെടുന്നത്. അതിന്റെ മലയാള സാരം ഇങ്ങനെയാണ്:
നന്ദികേശ്വരന്റെയും ദേവിയുടേയും വാക്കുകളിലൂടെയാണ് അരുണാചല മാഹാത്മ്യം കീര്‍ത്തിക്കപ്പെടുന്നത്.
ഒന്നാം ശ്ലോകം
അരുണാചലം! അത് ലോകത്തിന്റെ ഹൃദയമാണ്. അതാണ് എല്ലാറ്റിലും വിശുദ്ധ സ്ഥലം. അറിയുക, ഏറ്റവും പവിത്രമായ അത് ശിവന്റെ രഹസ്യവും പവിത്രവുമായ ഹൃദയകേന്ദ്രമാണ്്! ഇവിടെ അദ്ദേഹം ശാശ്വത മഹത്വമുള്ള അരുണ മലയായി വസിക്കുന്നു
രണ്ടാം ശ്ലോകം
അരുണാചലത്തിലെ പുരാതനവും അതിശയകരവുമായ ശിവലിംഗം രൂപംകൊണ്ട ആ ദിവസമാണ് മാര്‍ഗഴി മാസത്തിലെ തിരുവാതിര നക്ഷത്രം വരുന്നത്. മഹാശിവരാത്രി ദിനമാണ് അത്. ശ്രീമഹാവിഷ്ണുവും മറ്റ് ദേവന്മാരും പ്രഭയില്‍ നിന്ന് ഉദിച്ച ഭഗവാനെ പൂജിച്ച ദിവസംമാണത്.
അപ്പോള്‍ ശിവ പറഞ്ഞു:
ശ്ലോകം മൂന്ന്
അഗ്‌നിജ്വാലയാണെങ്കിലും, യഥാര്‍ത്ഥത്തില്‍ ഈ സ്ഥലത്തെ കുന്ന് പോലെയുള്ളത് എന്റെ മങ്ങിയ രൂപം തന്നെ. അത് ലോക പരിപാലനത്തിനായുള്ള കൃപയുടെയും സ്‌നേഹപൂ
ര്‍വമായ അര്‍ത്ഥനയുടെയും ഫലമാണ്. ഇവിടെ ഞാന്‍ എപ്പോഴും സിദ്ധനായി(മഹാന്‍) വസിക്കുന്നു. എന്റെ ഹൃദയാന്തര്‍ഭാഗത്ത് ലോകത്തിന്റെ എല്ലാ ആസ്വാദവും അടങ്ങിയ അതീന്ദ്രിയ മഹത്വം കുടികൊള്ളുന്നുണ്ടെന്ന് എപ്പോഴും ഓര്‍ക്കുക.
നാലാം ശ്ലോകം
അക്ഷീണമായ കര്‍മ്മങ്ങള്‍ ലോകജീവികളെ ബന്ധിതരാക്കുന്നു. എന്നാല്‍ പ്രകാശമാനമായ അരുണാചല പര്‍വ്വതത്തിന്റെ കേവല കാഴ്ചപോലും അവരെ ആത്മപ്രകാശനത്തിലേക്കും അസ്തിത്വബോധത്തിലേും നയിക്കുന്നു.
ശ്ലോകം അഞ്ച്
ചിദംബര ദര്‍ശനം കൊണ്ടോ ചിദംബരത്തു ജനിച്ചതുകൊണ്ടോ തിരുവാരൂരില്‍ വെച്ചോ കാശിയില്‍ വെച്ചോ മരിച്ചതുകൊണ്ടോ ഒരുവന്‍ മുക്തനായിത്തീരും. അതുപോലെ അരുണാചലത്തെ ചിന്തിച്ചുകൊണ്ടു ജീവന്‍വെടിയുന്നവനും തീര്‍ച്ചയായും മുക്തി നേടും. ഈ കുന്നിനെ നേരിട്ട് കാണാനോ അല്ലെങ്കില്‍ ദൂരെ നിന്ന് മാനസികമായി ചിന്തിക്കാനോ കഴിയുന്ന എല്ലാവര്‍ക്കും എളുപ്പത്തില്‍ മോക്ഷം നേടാനാകും.
ആറാം ശ്ലോകം
ഈ കുന്നിന്റെ മൂന്ന് യോജന ചുറ്റളവിലുള്ള സ്ഥലം എല്ലാ വൈകല്യങ്ങളും ദഹിപ്പിക്കാനും ദീക്ഷയുടെ അഭാവത്തില്‍ പോലും പരമാത്മാവുമായുള്ള ഐക്യം പ്രാബല്യത്തില്‍ വരുത്താനും മതിയാകുന്നതാണെന്ന് ആറാം ശ്ലോകത്തില്‍ ദേവി അസന്നിഗ്ധമായി വ്യക്തമാക്കുന്നു.
ഏഴാംശ്ലോകം
ഭക്തിയുള്ള ഭക്തരുടെ വാസസ്ഥലമാണിത്. ഇവിടെ മറ്റുള്ളവര്‍ക്ക് തിന്മ ചെയ്യുന്നവര്‍ അസുഖങ്ങള്‍ അനുഭവിച്ചതിനുശേഷം നശിപ്പിക്കപ്പെടും. അരുണാചലത്തിന്റെ കണ്ണിമവെട്ടത്തില്‍ തന്നെ ദുഷ്ടര്‍ക്ക് തിന്മ ചെയ്യാനുള്ള അവരുടെ ശക്തി പൂര്‍ണ്ണമായും ഹരിക്കപ്പെടും. അഗ്‌നിപര്‍വ്വതത്തിന്റെ രൂപമെടുത്തവനാണ് അരുണാചല ഭഗവാന്‍. അദ്ദേഹത്തിന്റെ കോപം ജ്വലിക്കുന്ന അഗ്നി പോലെയാണ്. അതില്‍ ആരും വീഴരുത്.
