പയ്യന്നൂര്: ഉറങ്ങവെ ശരീരത്തിലേക്ക് സീലിംഗ് ഫാന് പൊട്ടിവീണ് പരിക്കേറ്റ എട്ടിക്കുളം സ്വദേശി ഗൃഥനാഥന് മരിച്ചു. എട്ടിക്കുളം അമ്പലപ്പാറ പടിഞ്ഞാറ് താമസം അയിഷ മന്സിലില് എ.കെ. മുഹമ്മദ് സമീറാണ് (48) മരിച്ചത്.
പോളിഷിംഗ് തൊഴിലാളിയാണ് മുഹമ്മദ് സമീര്. ഇന്നലെ ഉച്ചകഴിഞ്ഞ് വീട്ടിലെ കിടപ്പുമുറിയില് ഉറങ്ങിക്കിടക്കവെയാണ് സംഭവം. പുറത്തു പോയിരുന്ന ഭാര്യയും കുട്ടിയും വൈകുന്നേരം തിരിച്ചെത്തിയപ്പോഴാണ് അപകടം കണ്ടത്.
ഫാന് ഘടിപ്പിച്ചിരുന്ന കോണ്ക്രീറ്റ് സീലിംഗ് ഉള്പ്പെടെ അടര്ന്ന് ഉറങ്ങുകയായിരുന്ന മുഹമ്മദ് സമീറിന്റെ മേല് പതിക്കുകയായിരുന്നു.. അബോധാവസ്ഥയില് ഇയാളെ കണ്ണൂര് പരിയാരം ഗവ. മെഡിക്കല് കോളജില് എത്തിച്ചപ്പോഴേക്കും മരിച്ചു.
ഇന്ക്വസ്റ്റ് നടപടികള് പൂര്ത്തിയാക്കി പോസ്റ്റ്മോര്ട്ടത്തിന് ശേഷം മൃതദേഹം ബുധനാഴ്ച ബന്ധുക്കള്ക്ക് വിട്ടുനല്കി. ഭാര്യ: ഷാനിബ. മകള്: ഷാഹിന.
