ന്യൂയോര്‍ക്ക് : ടി20 ലോക കപ്പില്‍ ഡി ഗ്രൂപ്പില്‍ ശ്രീലങ്കയ്‌ക്കെതിരെ ദക്ഷിണാഫ്രിക്ക ജയിച്ചത് അനായാസമായി.ആറു വിക്കറ്റിനാണ് വിജയം.ടോസ് നേടി ആദ്യം ബാറ്റിംഗിനിറങ്ങിയ ശ്രീലങ്ക 19.1 ഓവറില്‍ 77 റണ്‍സെടുത്ത് എല്ലാവരും പുറത്താവുകയായിരുന്നു.
ശ്രീലങ്കന്‍ നിരയില്‍ 30 പന്തില്‍ നിന്ന് 19 റണ്‍സ് നേടിയ കുശാല്‍ മെന്‍ഡിസും 16 പന്തില്‍ നിന്ന് 16 റണ്‍സ് നേടിയ എയ്ഞ്ചലോ മാത്യൂവും 15 പന്തില്‍ നിന്ന് 11 റണ്‍സെടുത്ത കമിന്ദു മെന്റിസുമാണ് രണ്ടക്കം കണ്ടത്. അഞ്ചാമനായി ക്രീസിലെത്തിയ ക്യാപ്റ്റന്‍ വനിന്ദു ഹസരംഗ ഡക്കായി. പിന്നാലെ സമര വിക്രമയും റണ്‍സൊന്നുമില്ലാതെ കളം വിട്ടു.
ദക്ഷിണാഫ്രിക്കയ്‌ക്കായി നാല് വിക്കറ്റ് നേടി ആന്ററിച്ച് നോര്‍ജെയും രണ്ട് വിതം വിക്കറ്റെടുത്ത കഗിസോ റബാദയും സ്പിന്നര്‍ കേശവ് മഹാരാജയും തിളങ്ങി. ബാറ്റിംഗില്‍ ഓപ്പണറായി എത്തിയ ക്വിന്റണ്‍ ഡി കോക്ക് 27 പന്തില്‍ നിന്ന് 20 റണ്‍സും എയ്ഡന്‍ മാര്‍ക്രം 14 പന്തില്‍ നിന്ന് 12 റണ്‍സും 28 ട്രിസ്്റ്റന്‍ സ്റ്റബ്സ് 28 പന്തില്‍ നിന്ന് 13 റണ്‍സും ഹെന്റ്റിച്ച് ക്ലാസന്‍ 22 പന്തില്‍ നിന്ന് 19 റണ്‍സും നേടി ടീമിനെ അനായാസ വിജയത്തിലേക്ക് നയിച്ചു. ദക്ഷിണാഫ്രിക്ക 16.2 ഓവറില്‍ നാല് വിക്കറ്റ് നഷ്ടത്തില്‍ 80 റണ്‍സെടുത്തു.
