തിരുവനന്തപുരം : മോഷ്ടിച്ച ബൈക്കിലെത്തി പട്ടാപകല് മാല പൊട്ടിക്കാന് ശ്രമിച്ച മോഷ്ടാവിനെ യുവതി സാഹസികമായി കീഴടക്കി. കഴക്കൂട്ടത്താണ് സംഭവം.
പോത്തന്കോട് സ്വദേശിനി അശ്വതിയുടെ മാലയാണ് പൊട്ടിക്കാന് ശ്രമിച്ചത്. ചന്തവിള സ്വദേശി അനില്കുമാറിനെ പൊലീസ് പിടികൂടി.
പ്രതിയെ നാട്ടുകാര് കൈകാര്യം ചെയ്തു.ഇന്നലെ വൈകിട്ടാണ് സംഭവം . സ്വകാര്യ ആശുപത്രിയില് നിന്ന് അമ്മയുമായി മടങ്ങവേ സമീപത്തെ മെഡിക്കല് സ്റ്റോറില് നിന്നും മരുന്ന് വാങ്ങി അശ്വതി തിരികെ വരുമ്പോഴാണ് മാല പിടിച്ചു പറിക്കാന് ശ്രമിച്ചത്.
സ്റ്റാച്യുവില് നിന്ന് മോഷ്ടിച്ച ബൈക്കുമായി എത്തിയ അനില്കുമാര് യുവതിയുടെ കഴുത്തില് കിടന്ന 3 പവന് മാലയാണ് മോഷ്ടിക്കാന് ശ്രമിച്ചത്.
