കോഴിക്കോട്: എലത്തൂരില് സ്കൂട്ടറില് ഭര്ത്താവിനൊപ്പം സഞ്ചരിക്കുകയായിരുന്ന വീട്ടമ്മ ലോറി തട്ടി മരിച്ച സംഭവത്തില് ഡ്രൈവര് അറസ്റ്റില്. മലപ്പുറം താനൂര് സ്വദേശി കോയയാണ് പിടിയിലായത്.പൊയില്ക്കാവ് സ്വദേശിനി ഷില്ജയാണ് മരിച്ചത്.
സിസിടിവി ദൃശ്യങ്ങളുടെ സഹായത്തോടെയാണ് ലോറി കണ്ടെത്തി ഡ്രൈവറെ പിടികൂടിയത്. ഹോണ് മുഴക്കി അമിതവേഗത്തില് മറ്റു വാഹനങ്ങളെ മറികടന്നു പോകുന്ന ലോറിയുടെ ദൃശ്യങ്ങളാണ് നിരീക്ഷണ ക്യാമറയില് പതിഞ്ഞത്.
തെറ്റായ ദിശയിലാണ് ലോറി സഞ്ചരിച്ചതെന്ന് വ്യക്തമായി. അപകടം ഉണ്ടായത് അറിഞ്ഞില്ലെന്നാണ് ഡ്രൈവര് മൊഴി നല്കിയത്.
വെള്ളിയാഴ്ച രാത്രിയായിരുന്നു സംഭവം ഉണ്ടായത്.പൊലീസും ആംബുലന്സും എത്താന് വൈകിയതിന് നാട്ടുകാര് സംഭവ സമയം റോഡ് ഉപരോധിച്ചിരുന്നു.
