കൊച്ചി : ഓടുന്ന സ്വകാര്യ ബസില്‍ പട്ടാപ്പകല്‍ പെണ്കുട്ടിയ്ക്ക് നേരെ ലൈംഗിക അതിക്രമം. കലൂര്‍ ജംഗ്ഷനില്‍ ബസ് എത്തിയപ്പോഴാണ് നേപ്പാള്‍ സ്വദേശി പെണ്‍കുട്ടിയെ കടന്നുപിടിച്ചത്.
പെണ്‍കുട്ടി ബഹളം വച്ചതിനെ തുടര്‍ന്ന് ഇടപ്പള്ളിയില്‍ ജോലി ചെയ്യുന്ന മേഘബഹദൂറിനെ പൊലീസ് പിടികൂടി. എറണാകുളം നോര്‍ത്ത് പൊലീസാണ് കസ്റ്റഡിയിലെടുത്തത്.
പെണ്‍കുട്ടി തന്നെയാണ് കണ്‍ട്രോള്‍ റൂമില്‍ വിളിച്ച് സംഭവമറിയിച്ചത്. എന്നാല്‍ ഇപ്പോള്‍ പെണ്‍കുട്ടിയുടെ ഫോണ്‍ സ്വിച്ച് ഓഫ് ആയതിനാല്‍ ഏത് രീതിയില്‍ കേസെടുക്കണമെന്നതില്‍ പൊലീസ് ആശയക്കുഴപ്പത്തിലാണ്. പെറ്റി കേസെടുത്ത് പ്രതിയെ വിട്ടയയ്‌ക്കാനാണ് നിലവില്‍ സാധിക്കുകയെന്ന് പൊലീസ് അറിയിച്ചു.
