കോഴിക്കോട്: കൊടുവള്ളിയിൽ കെഎസ്ആർടിസി ബസിൽ പെൺകുട്ടിക്ക് നേരെ ലൈംഗികാതിക്രമത്തിന് മുതിര്ന്ന യുവാവിനെ പിടികൂടി പൊലീസിനെ ഏല്പിച്ച് പെണ്കുട്ടി. 46 കാരനെ കൊടുവള്ളി പൊലീസെത്തി അറസ്റ്റ് ചെയ്തു.
ചാവടിക്കുന്നുമ്മൽ അൻവർ എന്നയാളാണ് പിടിയിലായത്. ലൈംഗികമായി പീഡിപ്പിക്കാന് മുതിര്ന്ന അന്വറിനെ പെണ്കുട്ടി രക്ഷപ്പെടാന് കഴിയാത്ത വിധം ബലമായി തടഞ്ഞുനിര്ത്തുകയായിരുന്നു. പെൺകുട്ടി ഇയാളെ തടഞ്ഞുവച്ച് കൊടുവള്ളി പൊലീസിനെ വിവരമറിയിച്ചു. ഒടുവില് പൊലീസെത്തിയപ്പോഴാണ് ചെറുപ്പക്കാരനെ വിട്ടുകൊടുത്തത്. പിന്നീട് താമരശേരി കോടതിയില് ഹാജരാക്കിയ അന്വറിനെ റിമാൻഡ് ചെയ്തു.
ശനിയാഴ്ച രാത്രി 11 മണിയോടെയാണ് സംഭവം. കുന്ദമംഗലത്ത് നിന്ന് കെഎസ്ആര്ടിസി ബസില് കയറിയ 22കാരിയെ ബസിലുണ്ടായിരുന്ന അൻവര് ചാരിനിന്ന് ഉപദ്രവിക്കുകയായിരുന്നു.
