കാസര്കോട്: പത്തു വയസുകാരിയെ തട്ടിക്കൊണ്ടുപോയി പീഡിപ്പിച്ച പ്രതിയെ ആന്ധ്രപ്രദേശില് നിന്ന് പിടികൂടി. ഒരു വര്ഷമായി സ്വ
ന്തമായി ഫോണ് ഉപയോഗിക്കാത്ത ഇയാള് മറ്റൊരാളുടെ ഫോണില് നിന്ന് വീട്ടിലേക്ക് വിളിച്ചതാണ് അന്വേഷണത്തില് സഹായമായത്.
കഴിഞ്ഞ ബുധനാഴ്ച പുലര്ച്ചെയാണ് വീട്ടില് ഉറങ്ങി കിടന്ന പത്ത് വയസുകാരിയെ തട്ടിക്കൊണ്ട് പോയി പീഡിപ്പിച്ചത്. കുടക് സ്വദേശിയായ 35 കാരനാണ് പ്രതിയെന്ന് തിരിച്ചറിഞ്ഞെങ്കിലും പൊലീസിന് ഇയാളെ കണ്ടെത്താനായിരുന്നില്ല. കുടകില് എത്തുമ്പോള് മാതാവിന്റേയും കാഞ്ഞങ്ങാട്ട് ഭാര്യയുടെയും ഫോണുകളാണ് ഇയാള് ഉപയോഗിക്കുന്നത്.
കുടക് , മാണ്ഡ്യ, ഈശ്വരമംഗലം തുടങ്ങിയ സ്ഥങ്ങളിലും കാസര്കോട് ജില്ലയിലെ വിവിധ പ്രദേശങ്ങളിലും അന്വേഷണ സംഘം പ്രതിക്കായി തെരച്ചില് നടത്തിയെങ്കിലും കണ്ടെത്താനായിരുന്നില്ല.ബൈക്കില് കറങ്ങി നടന്നാണ് കുറ്റകൃത്യത്തിലേര്പ്പെടുന്നത്. നേരത്തെ മാല പിടിച്ചു പറിച്ച കേസുകളും ഇയാള്ക്കെതിരെയുണ്ട്. പ്രായപൂര്ത്തിയാകാത്ത പെണ്കുട്ടിയെ ബൈക്കില് കയറ്റി വനത്തിലെത്തിച്ച് പീഡിപ്പിച്ചതിന് പോക്സോ കേസും ഇയാള്ക്കെതിരെയുണ്ട്.
