കോട്ടയം: മഹാത്മാ ഗാന്ധി സര്‍വകലാശാലയുടെ ഓണേഴ്‌സ് ബിരുദ പ്രോഗ്രാമുകളുടെ ഏകജാലക പ്രവേശനത്തിന് സ്‌പെഷ്യലൈസേഷനോടു കൂടിയ പ്രോഗ്രാമുകള്‍ ആവശ്യമുള്ളവര്‍ അവ പ്രത്യേകമായി തിരഞ്ഞെടുക്കണമെന്ന് സര്‍വകലാശാല പത്രക്കുറിപ്പില്‍ അറിയിച്ചു. അഫിലിയേറ്റഡ് കോളേജുകള്‍ സ്‌പെഷ്യലൈസേഷന്‍ ഇല്ലാത്ത കോഴ്‌സുകളും നടത്തുന്നുണ്ട്.
നിശ്ചിത കോഴ്‌സിനൊപ്പം സ്‌പെഷ്യലൈസേഷന്‍ തിരഞ്ഞെടുത്താല്‍ സ്‌പെഷ്യലൈസേഷനുള്ള കോളേജുകളിലേക്ക് ഓപ്ഷന്‍ നല്‍കാനാകും.
ക്യാപ് വെബ ്‌സൈറ്റിലുള്ള പ്രോഗ്രാമുകളും കോളജുകളുമായും ബന്ധപ്പെട്ട വിവരങ്ങളും പരിശോധിച്ച് വിവരങ്ങള്‍ ഉറപ്പാക്കിയശേഷം മാത്രം ഓപ്ഷന്‍ നല്‍കാന്‍ ശ്രദ്ധിക്കണം. ഇതിനോടകം ഓണ്‍ലൈന്‍ അപേക്ഷ സമര്‍പ്പിച്ചവര്‍ക്ക് ജൂണ്‍ 12, 13 തീയതികളില്‍ നല്‍കിയ ഓപ്ഷന്‍ ഒഴിവാക്കുന്നതിനും പുതിയത് നല്‍കുന്നതിനും അവസരമുണ്ട്. ഓണ്‍ലൈന്‍ അപേക്ഷയിലെ അനുവദനീയമായ തിരുത്തലുകളും ഈ ദിവസങ്ങളില്‍ നടത്താം.
