തിരുവനന്തപുരം: സംസ്ഥാനത്തെ തദ്ദേശസ്വയംഭരണസ്ഥാപനങ്ങളിലേയ്‌ക്കുള്ള പൊതുതിരഞ്ഞെടുപ്പ് വിജയകരമായി നടത്തിയതിന് സംസ്ഥാന തിരഞ്ഞെടുപ്പ് കമ്മീഷണര്‍ എ ഷാജഹാനെ ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍ പൊന്നാടയണിയിച്ചാദരിച്ചു. പൊതുതിരഞ്ഞെടുപ്പിന്റെ റിപ്പോര്‍ട്ട് സമര്‍പ്പിക്കാനായി ലോക് ഭവനില്‍ ഗവര്‍ണറെ സന്ദര്‍ശിച്ചപ്പോഴാണ് കമ്മീഷണറെ ഗവര്‍ണര്‍ അഭിനന്ദനങ്ങള്‍ അറിയിച്ചത്. തിരഞ്ഞെടുപ്പ് സമാധാനപരമായും പരാതിരഹിതമായും നടത്തിയതില്‍ ഗവര്‍ണര്‍ സന്തുഷ്ടി രേഖപ്പെടുത്തി.
