മുംബൈ: നാച്ചുറൽ ബ്രാൻഡ് ഐസ്ക്രീമിന്റെ സ്ഥാപകൻ രഘുനന്ദൻ കമ്മത്ത് അന്തരിച്ചു. 75 വയസായിരുന്നു. ആരോഗ്യ പ്രശ്നങ്ങളെ തുടർന്ന് വെള്ളിയാഴ്ച രാത്രിയോടെ ആശുപത്രിയിൽ വച്ചായിരുന്നു അന്ത്യം. നാച്ചുറൽ ഐസ്ക്രീമിന്റെ ട്വിറ്റർ പേജിലൂടെയാണ് വിയോഗ വാർത്ത അറയിച്ചത്.
ഇന്ത്യയുടെ ഐസ്ക്രീം മനുഷ്യൻ എന്നാണ് അദ്ദേഹം അറിയപ്പെട്ടിരുന്നത്. മാങ്ങാ വിൽപ്പനക്കാരന്റെ മകനായിരുന്നു രഘുനന്ദൻ. കർണാടക സ്വദേശിയാണ്. പിതാവിനെ മാങ്ങ വിൽക്കാൻ സഹായിച്ചതിൽ നിന്നാണ് ഇത്തരമൊരു സംരംഭത്തിന് അദ്ദേഹം തുടക്കം കുറിക്കുന്നത്.
