പാലക്കാട് : റോഡിലെ കുഴിയില് വീണ് വയോധികന് മരിച്ചു. പാലക്കാട് കഴിഞ്ഞ രാത്രിയാണ് സംഭവം.
സ്കൂട്ടര് കുഴിയില് വീണ് നിയന്ത്രണം വിട്ടതിനെ തുടര്ന്ന് തെറിച്ചുവീഴുകയായിരുന്നു. മൂന്ന് മാസമായി പ്രദേശവാസികള് കുഴി മൂടാന് ആവശ്യപ്പെട്ടിട്ടും അധികൃതര് നടപടി സ്വീകരിച്ചില്ലെന്നാണ് ആക്ഷേപം.
പൈപ്പിടാന് വാട്ടര് അതോറിറ്റി എടുത്ത കുഴിയില് വീണ് പാലക്കാട് വടക്കന്തര സ്വദേശി സുധാകരന് ആണ് മരിച്ചത്. സമീപത്തെ കല്ലില് തലയിടിച്ചിരുന്നുവെന്നും അരമണിക്കൂറിനുശേഷമാണ് ആശുപത്രിയില് എത്തിക്കാന് വാഹനം കിട്ടിയതെന്നും ദൃക്സാക്ഷികള് പറഞ്ഞു.
