ഇന്ഡോര്: മധ്യപ്രദേശിലെ ഇന്ഡോറിലെ എമറാള്ഡ് ഹൈറ്റ്സ് ഇന്റര്നാഷണല് സ്കൂളില് നടക്കുന്ന ആണ്, പെണ് ടീമുകള്ക്കായുള്ള 74-ാമത് ജൂനിയര് ദേശീയ ബാസ്കറ്റ്ബോള് ചാമ്പ്യന്ഷിപ്പിന്റെ ക്വാര്ട്ടര് ഫൈനലില് കടന്ന് കേരള ആണ് ടീം.
ഇന്നലെ രാവിലെ നടന്ന പ്രീ ക്വാര്ട്ടര് ഫൈനലില് മഹാരാഷ്ട്രയെ (81-78) പരാജയപ്പെടുത്തിയാണ് ക്വാര്ട്ടറില് പ്രവേശിച്ചത്. ക്വാര്ട്ടര് ഫൈനലില് ആതിഥേയരായ മധ്യപ്രദേശിനെ നേരിടും. കേരളത്തിനുവേണ്ടി അശ്വിന് കൃഷ്ണ 24 പോയിന്റുമായി ടോപ് സ്കോററായി.
രാവിലെ അധികസമയത്തേക്ക് നീങ്ങിയ ഒരു മത്സരത്തില് ഛത്തീസ്ഗഢിനെ (81-76)തോല്പിച്ച കേരള വനിതകള് ചാമ്പ്യന്ഷിപ്പില് 11-ാം സ്ഥാനത്താണ് ഫിനിഷ് ചെയ്തത്. നിശ്ചിത സമയം അവസാനിച്ചപ്പോള് 70-70ന് , 29 പോയിന്റുമായി ലിയ ഷോണി 17ഉം അമാന്ഡ 16ഉം പോയിന്റോടെ ലീഡിങ് സ്കോററായി.
