തൃശൂര്‍: കസ്റ്റഡിയിലെടുത്തവരെ പൊലീസ് കരിക്ക് കൊണ്ട് മര്‍ദ്ദിച്ചതായി പരാതി. അന്തിക്കാട് പൊലീസ് സ്റ്റേഷനിലാണ് സംഭവം. സിഐക്കെതിരെയാണ് ആരോപണം.
രണ്ട് സിപിഎം പ്രവര്‍ത്തകര്‍ ഉള്‍പ്പെടെ ആറ് പേര്‍ക്ക് പരിക്കേറ്റതായാണ് പരാതി.
വെളുത്തൂര്‍ നമ്പോര്‍ക്കാവ് ക്ഷേത്രോത്സവത്തില്‍ ഉണ്ടായ സംഘര്‍ഷത്തെ തുടര്‍ന്നാണ് ആറ് പേരെയും കസ്റ്റഡിയിലെടുത്തത്. യുവാക്കളെ കരിക്ക് ഉപയോഗിച്ച് മര്‍ദ്ദിച്ചതായി അന്തിക്കാട് ബ്ലോക്ക് പഞ്ചായത്ത് പ്രസിഡന്റും ആരോപിച്ചു.
സമാന പരാതി അന്തിക്കാട് സിഐക്കെതിരെ നേരത്തേയും ഉയര്‍ന്നിരുന്നു. ചാഴൂരിലെ സിപിഎം പ്രാദേശിക നേതാവിനെ കരിക്ക് കൊണ്ട് മര്‍ദ്ദിച്ചെന്നാണ് പരാതി ഉണ്ടായത്.
പ്രതികരിക്കാൻ ഇവിടെ എഴുതുക: