കോഴിക്കോട്: മെഡിക്കല് കോളേജിലെ ഐസിയു പീഡനക്കേസില് ആശുപത്രിയിലെ ഗൈനക്കോളജിസ്റ്റ് ഡോ. പ്രീതിക്കെതിരായ ആരോപണങ്ങളില് പുനരന്വേഷണം നടത്തും. അതിജീവിത ഉത്തരമേഖല ഐജിക്ക് നല്കിയ പരാതിലാണ് പുനരന്വേഷണം. വ്യാഴാഴ്ച മൊഴിയെടുപ്പ് നടത്തും.
നാര്ക്കോട്ടിക് സെല് എസിപി അന്വേഷണം നടത്തി ഒരാഴ്ചയ്ക്കകം റിപ്പോര്ട്ട് സമര്പ്പിക്കണമെന്നാണ് ഉത്തരവ്.
അതിജീവിത സിറ്റി പൊലീസ് കമ്മീഷണര് ഓഫീസിന് മുന്നില് നടത്തിവന്നിരുന്ന സമരം അവസാനിപ്പിച്ചത് നാല് ദിവസം മുമ്പാണ്.ഡോ. പ്രീതിക്കെതിരായ അന്വേഷണ റിപ്പോര്ട്ടിന്റെ പകര്പ്പ് കൈമാറാമെന്ന് രേഖാമൂലം ഉറപ്പ് ലഭിച്ചതിനെ തുടര്ന്നാണ് 13 ദിവസമായി നടത്തിവന്ന സമരം അതിജീവിത അവസാനിപ്പിച്ചത്.
അതിജീവിതയുടെ മൊഴിയെടുത്ത ഡോ. പ്രീതി പ്രതികള്ക്കനുകൂലമായി റിപ്പോര്ട്ടെഴുതിയെന്നായിരുന്നു പരാതി.
