കാസര്കോട്: മഞ്ചേശ്വരം കുഞ്ചത്തൂരിൽ ആംബുലന്സും കാറും കൂട്ടിയിടിച്ചുണ്ടായ അപകടത്തില് മൂന്നുപേര് മരിച്ചു. ഗുരുവായൂര് സ്വദേശി ശ്രീനാഥ്, ശരത്ത് മേനോന് എന്നിവരും ഇവര്ക്കൊപ്പമുണ്ടായിരുന്ന മറ്റൊരാളുമാണ് മരിച്ചത്.
ആംബുലന്സില് സഞ്ചരിച്ച രോഗി ഉഷ, ഡ്രൈവര് ശിവദാസ് എന്നിവര്ക്ക് പരിക്കേറ്റിട്ടുണ്ട്. കാസര്കോട് നിന്നും മംഗളൂരുവിലേക്ക് രോഗിയുമായി പോവുകയായിരുന്ന ആംബുലന്സും മംഗലാപുരം ഭാഗത്ത് നിന്ന് വരികയായിരുന്ന കാറുമാണ് കൂട്ടിയിടിച്ചത്. മൂന്നുപേരും സംഭവസ്ഥലത്ത് തന്നെ മരണപ്പെട്ടു. ഇടിയുടെ ആഘാതത്തിൽ കാർ പൂർണമായും തകർന്നു.
പരുക്കേറ്റവരെ മംഗളുരുവിനെ സ്വകാര്യ ആശുപത്രിയിലേക്ക് മാറ്റി.
