ന്യൂദല്ഹി: വയനാട്ടിലെയും അമേഠിയിലെയും ജനങ്ങളെ വഞ്ചിച്ചിട്ടാണ് കോണ്ഗ്രസ് നേതാവ് റായ്ബറേലിയിലേക്ക് പോയതെന്ന് ബിജെപി തമിഴ്നാട് ഘടകം അധ്യക്ഷന് കെ. അണ്ണാമലൈ.
2004 മുതല് 2019 വരെ രാഹുല് അമേഠിയിലെ എംപിയായിരുന്നു. നിലവില് വയനാട്ടിലെ എംപിയാണ്. ഇപ്പോള് വയനാട്ടില് വീണ്ടും മത്സരിച്ചു. അതിന് ശേഷം റായ്ബറേലിയില് മത്സരിക്കുന്നു. വയനാട്ടില് മത്സരിക്കുമ്പോള് ജനങ്ങളോട് ഇക്കാര്യം പറയാനുള്ള മാന്യത രാഹുല് കാട്ടിയില്ല. കഴിഞ്ഞ അഞ്ച് വര്ഷത്തിനിടെ രാഹുല് വയനാട്ടിലെത്തിയത് ഏഴ് തവണയാണ്, അണ്ണാമലൈ എഎന്ഐക്ക് നല്കിയ അഭിമുഖത്തില് ചൂണ്ടിക്കാട്ടി.
വഞ്ചനയുടെ ഈ മുഖം റായ്ബറേലിക്കാരും തള്ളിക്കളയും. മൂന്ന് തവണ ജയിപ്പിച്ച അമേഠിയെ വഞ്ചിച്ച ആളാണ് രാഹുല്. അദ്ദേഹം കരുതുന്നത് റായ്ബറേലി സുരക്ഷിതമാണെന്നാണ്. പക്ഷേ ജനങ്ങള്ക്കാവശ്യം അദ്ദേഹത്തെപ്പോലൊരാളല്ലെന്ന് അവര് ഇക്കുറി തെളിയിക്കും. രാജ്യത്തുടനീളം ജനങ്ങള് പ്രധാനമന്ത്രിയായി നരേന്ദ്ര മോദിയെ ആഗ്രഹിക്കുന്നു. ചിത്രം വ്യക്തമാണ്, മോദിജിയില് ജനങ്ങള് സംന്യാസതുല്യമായ ഒരു ജീവിതത്തെ കാണുന്നു. നമ്മുടെ അമ്മമാരും സഹോദരിമാരും യുവാക്കളും അദ്ദേഹത്തെ ഏറെ ഇഷ്ടപ്പെടുന്നു. ഇക്കുറി വലിയ ഭൂരിപക്ഷമാണ് ജനങ്ങള് മോദിക്ക് നല്കാന് പോകുന്നത്, അണ്ണാമലൈ പറഞ്ഞു.
