അമരാവതി: വരാനിരിക്കുന്ന തിരഞ്ഞെടുപ്പിനുള്ള ബിജെപി സ്ഥാനാർത്ഥികളെ പിന്തുണച്ച് കേന്ദ്ര ആഭ്യന്തരമന്ത്രി അമിത് ഷാ ആന്ധ്രാപ്രദേശിലും തെലങ്കാനയിലും ഞായറാഴ്ച പ്രചാരണം നടത്തും. ബിജെപി തെലങ്കാന,ആന്ധ്രാ യൂണിറ്റ് ഇത് സംബന്ധിച്ച് പ്രസ്താവന പുറത്തിറക്കി.
തെലങ്കാന യൂണിറ്റ് പുറത്തിറക്കിയ പ്രസ്താവന പ്രകാരം, സിർപൂർ കഗസ്നഗർ, നിസാമാബാദ്, ഹൈദരാബാദ് എന്നിവിടങ്ങളിൽ ഷാ മൂന്ന് വ്യത്യസ്ത റാലികളെ അഭിസംബോധന ചെയ്യും.
ഇന്ന് രാവിലെ ആന്ധ്രാപ്രദേശിലെ ധർമവാരത്ത് നടക്കുന്ന പൊതു റാലിയിൽ മുതിർന്ന ബിജെപി നേതാവ് പങ്കെടുക്കും. അവിടെ ടിഡിപി അധ്യക്ഷൻ എൻ ചന്ദ്രബാബു നായിഡു, ജനസേന അധ്യക്ഷൻ പവൻ കല്യാണ് എന്നിവരുമായി വേദി പങ്കിടുമെന്നും ആന്ധ്രാ ബിജെപി വിഭാഗത്തിൽ നിന്നുള്ള ഒരു അറിയിപ്പ് അറിയിച്ചു.
