ന്യൂദല്ഹി: ഔദ്യോഗിക തിരക്കുകള് കാരണം ഭാരതത്തിലേക്കുള്ള സന്ദര്ശനം മാറ്റിവച്ചതായി ടെസ്ല സിഇഒ ഇലോണ് മസ്ക്. ഔദ്യോഗികമായ ചില തിരക്കുകള് ഉള്ളതിനാല് ഭാരത സന്ദര്ശനം താത്കാലികമായി മാറ്റിവയ്ക്കുന്നുവെന്നാണ് അദ്ദേഹം എക്സില് കുറിച്ചത്. 21ന് മസ്ക് ഭാരതത്തിലെത്തുമെന്നാണ് നേരത്തെ അറിയിച്ചിരുന്നത്.
നിര്ഭാഗ്യവശാല്, വളരെ ഭാരിച്ച കുറച്ച് തിരക്കുകള് ഉള്ളതിനാല് ഭാരത സന്ദര്ശനം വൈകും. എന്നാല് ഈ വര്ഷം അവസാനത്തിനുള്ളില് തന്നെ സന്ദര്ശനം ഉണ്ടാകുമെന്നും മസ്ക് എക്സില് കുറിച്ചു. പ്രധാനമന്ത്രി നരേന്ദ്ര മോദിയെ കാണാന് താന് ആവേശത്തോടെ കാത്തിരിക്കുകയാണെന്ന് കഴിഞ്ഞ ദിവസം എക്സിലൂടെ മസ്ക് അറിയിച്ചിരുന്നു. മസ്കിന്റെ ഭാരത സന്ദര്ശനത്തില് ടെസ്ലയുടെ പുതിയ ഫാക്ടറി ഇവിടെ തുറക്കുന്നതുള്പ്പെടെയുള്ള വലിയ പ്രഖ്യാപനങ്ങളുണ്ടാകുമെന്നാണ് പ്രതീക്ഷിച്ചിരുന്നത്.
