കൊച്ചി: അന്തരിച്ച സംഗീതജ്ഞന് കെ.ജി. ജയന് സമൂഹത്തിന്റെ വിവിധ മേഖലയിലെ പ്രമുഖര് ആദരാഞ്ജലി അര്പ്പിച്ചു. ഇന്നലെ രാവിലെ എട്ടരയോടെ തൃപ്പൂണിത്തുറയില് മകന് മനോജ് കെ. ജയന്റെ വസതിയില് എത്തിച്ച ഭൗതിക ശരീരം മൂന്നിന് തൃപ്പൂണിത്തുറ ലായം കുത്തമ്പലത്തില് പൊതുദര്ശനത്തിനായി കൊണ്ടുവന്നു.
മന്ത്രി പി. രാജീവ്, കെ. ബാബു എംഎല്എ, ബിജെപി ദേശീയ നിര്വാഹക സമിതിയംഗം കുമ്മനം രാജശേഖരന്, ബിജെപി ദേശീയ ഉപാധ്യക്ഷന് എ.പി. അബ്ദുള്ളക്കുട്ടി, എറണാകുളം ലോക്സഭാ എന്ഡിഎ സ്ഥാനാര്ത്ഥി ഡോ.കെ.എസ്. രാധാകൃഷ്ണന്, സംസ്ഥാന വക്താക്കളായ കെ.വി.എസ്. ഹരിദാസ്, നാരായണന് നമ്പൂതിരി, ജില്ലാ പ്രസിഡന്റ് കെ.എസ് ഷൈജു, ചലച്ചിത്ര താരങ്ങളായ മമ്മുട്ടി, കുഞ്ചാക്കോ ബോബന്, ഹരിശ്രീ അശോകന്, രമേശ് പിഷാരടി, ടിനി ടോം, ഇടവേള ബാബു, കലാരഞ്ജിനി, സംഗീതസംവിധായകന് ടി.എസ്. രാധാകൃഷ്ണന്, ഗായകരായ ഉണ്ണി മേനോന്, വിജയ് യേശുദാസ്, കലാഭവന് സാബു, പ്രദീപ് പള്ളുരുത്തി, സുധീപ്കുമാര്, ഗണേഷ് സുന്ദരം എന്നിവരും തപസ്യക്ക് വേണ്ടി എം.എല്. രമേശ്, കെ. സതീഷ് ബാബു, കെ.എസ്.കെ. മോഹന്, ലക്ഷ്മി നാരായണന് തുടങ്ങിയവരും ആദരാഞ്ജലികള് അര്പ്പിച്ചു.
അഞ്ചകയോടെ തൃപ്പൂണിത്തുറ പൊതുശ്മശാനത്തില് ഭൗതിക ശരീരം എത്തിച്ചു. മകന് ബിജു കെ. ജയന് ചിതയ്ക്ക് തീ കൊളുത്തി. ഔദ്യോഗിക ബഹുമതികളോടെയായിരുന്നു സംസ്കാരം.
