തിരുവനന്തപുരം: ഇറാന്‍ പിടിച്ചെടുത്ത ഇസ്രായേല്‍ പൗരന്റെ ഉടമസ്ഥതയിലുളള കപ്പലില്‍ മലയാളി യുവതിയും. തൃശൂര്‍ വെളുത്തൂര്‍ സ്വദേശിനി ആന്റസ ജോസഫ് (21) ആണ് കപ്പലിലുള്ള നാലാമത്തെ മലയാളി. കോട്ടയത്തേക്ക് രണ്ട് ദിവസം മുമ്പ് മാതാപിതാക്കള്‍ താമസം മാറിയിരുന്നു.
പരിശീലനത്തിന്റെ ഭാഗമായി ഒമ്പത് മാസമായി കപ്പലില്‍ ജോലി ചെയ്തു വരികയായിരുന്ന ആന്റസ ജോസഫ്. ഇന്ത്യയിലേക്ക് മടങ്ങി വരും വഴിയാണ് കപ്പല്‍ പിടിച്ചെടുത്തതെന്ന് പിതാവ് ബിജു എബ്രഹാം പറഞ്ഞു. വെള്ളിയാഴ്ച രാത്രിയാണ് ആന്റസ ജോസഫ് വീട്ടുകാരുമായി അവസാനം സംസാരിച്ചത്. കമ്പനി അധികൃതര്‍ ബന്ധപ്പെട്ട് മകള്‍ സുരക്ഷിതയണെന്ന് അറിയിച്ചുവെന്നും ബിജു എബ്രഹാം പറഞ്ഞു.
മുഖ്യമന്ത്രി അടിയന്തിര ഇടപെടല്‍ ആവശ്യപ്പെട്ട് വിദേശകാര്യ മന്ത്രിക്ക് അയച്ച കത്തില്‍ മൂന്ന് മലയാളികള്‍ എന്നാണ് പറഞ്ഞിട്ടുളളതെന്ന് ബിജു എബ്രഹാം പറഞ്ഞു.തന്റെ മകള്‍ ഉള്‍പ്പെടെ 4 മലയാളികളാണുളളത്.
