ഇടുക്കി : അടിമാലിയില്‍ വയോധിക ഫാത്തിമ കാസിമിനെ കൊല ചെയ്ത കേസിലെ പ്രതികള്‍ പിടിയില്‍. പാലക്കാട് നിന്നാണ് പ്രതികളെ പിടികൂടിയത്.
കൊല്ലം കിളിമാനൂര്‍ സ്വദേശികളായ അലക്‌സ് കെ ജെ, കവിത എന്നിവരെയാണ് പിടികൂടിയത്. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതികള്‍ കുടുങ്ങിയത്. അടിമാലിയില്‍ സ്ത്രീയും പുരുഷനും സ്വര്‍ണം പണയം വച്ചെന്ന വിവരം കിട്ടിയ പൊലീസ് ഇവരുടെ മൊബൈല്‍ ഫോണ്‍ കേന്ദ്രീകരിച്ച് നടത്തിയ അന്വേഷണത്തില്‍ പാലക്കാടുണ്ടെന്ന് വ്യക്തമാവുകായിരുന്നു.
വയോധികയെ കഴുത്തറുത്ത് കൊലപ്പെടുത്തിയതാണെന്ന് പൊലീസ് പറഞ്ഞു. മോഷണശ്രമത്തിനിടെയാണ് കൊലപാതകം. ഫാത്തിമയുടെ സ്വര്‍ണമാല നഷ്ടമായിട്ടുണ്ട്. വീട്ടിലുണ്ടായിരുന്ന ബാക്കി സ്വര്‍ണം പ്രതികളില്‍ നിന്ന് കണ്ടെടുത്തു.
