ശബരിമല: വിഷുക്കണി ദര്ശനത്തിനൊരുങ്ങി ശബരിമല അയ്യപ്പ സന്നിധാനം. ഇന്ന് രാത്രി 9.30ന് അത്താഴപൂജയ്ക്ക് ശേഷം ശ്രീകോവിലില് ഓട്ടുരുളിയില് കലിയുഗവരദന്റെ മുന്നില് വിഷുക്കണി ഒരുക്കും. ശേഷം ഹരിവരാസനം പാടി തിരുനട അടയ്ക്കും.
നാളെ പുലര്ച്ചെ നാലിന് തിരുനട തുറക്കും. നട തുറന്ന് ശ്രീകോവിലില് വിളക്കുകള് തെളിയിച്ച് ആദ്യം അയ്യപ്പസ്വാമിയെ വിഷുക്കണി കാണിക്കും. പിന്നീട് ഭക്തര്ക്ക് വിഷുക്കണി ദര്ശനത്തിനായി നടതുറന്നു കൊടുക്കും. ഭക്തര്ക്ക് തന്ത്രിയും മേല്ശാന്തിയും കൈനീട്ടവും നല്കും. ഏഴ് മണിവരെ വിഷുക്കണി ദര്ശനം ഉണ്ടാകും. ശേഷം പതിവ് അഭിഷേകവും ഉഷപൂജയും നെയ്യഭിഷേകവും നടക്കും. ഉച്ചയ്ക്ക് ഒന്നിന് നട അടയ്ക്കും. വൈകിട്ട്് അഞ്ചിന് നട വീണ്ടും തുറക്കും. രാത്രി 10ന് ഹരിവരാസനം പാടി നട അടയ്ക്കും.
