ന്യൂദല്ഹി: ഇക്കുറി നടന്ന നീറ്റ് പുനപരീക്ഷ മെറ്റിറുള്ള വിദ്യാര്ത്ഥികളെ കൃത്യമായി മെഡിക്കല് പ്രവേശനത്തിന് അര്ഹരമാക്കിയെന്നാണ് പൊതുവായ വിലയിരുത്തല്. കുറ്റമറ്റ നീറ്റ് പരീക്ഷ നടത്തിയതിന് കേന്ദ്രസര്ക്കാരിന് കയ്യടി ഉയരുകയാണ്.
നീറ്റ് പരീക്ഷയില് ഒന്നാം റാങ്ക് നേടിയ ആര്യന് ഗുപ്ത ദിവസേന 14 മണിക്കൂര് നേരം പഠിക്കുന്ന വിദ്യാര്ത്ഥിയായിരുന്നു ഡോക്ടര്മാരായ അച്ഛനും അമ്മയും ഉള്ള ഈ കുടംബത്തിലെ ആര്യന്റെ ജ്യേഷ്ഠന് കഴിഞ്ഞ വര്ഷം നീറ്റ് റാങ്ക് 51 കരസ്ഥമാക്കിയ ആളാണ്. പഞ്ചാബിലെ ലുധിയാനയില് നിന്നുള്ള ഈ വിദ്യാര്ത്ഥി 720ല് 715 മാര്ക്ക് നേടിയ വിദ്യാര്ത്ഥിയാമ്.
രണ്ടാം റാങ്കുകാരന് പ്രണ്ഷൂലും പഠിപ്പില് മിടുക്കനാണ്. 720ല് 715 മാര്ക്ക് നേടിയ പ്രണ്ഷൂല് ഫരീദാബാദ് സ്വദേശിയാണ്. പ്രണ്ഷൂല് ഐഐടി പ്രവേശനത്തിനുള്ള ജെഇഇയില് 99.5 പെര്സെന്റൈല് മാര്ക്ക് നേടിയ വിദ്യാര്ത്ഥിയാണ്. എട്ടാം ക്ലാസുമുതലേ ഡോക്ടറാകണമെന്ന് ആഗ്രഹിക്കുന്ന വിദ്യാര്ത്ഥിയാണ് പ്രണ്ഷൂല്.
രാജസ്ഥാനില് നിന്നുള്ള ഉപലക്ഷ്യ ഗോയലും മിടുക്കനാണ്. രാജസ്ഥാനില് നിന്നും വരുന്ന ഉപലക്ഷ്യ ഗോയല് 720ല് 711 മാര്ക്ക് നേടി. പൊതുവേ മെറിറ്റുള്ളവര് ഉന്നത റാങ്കുകള് കയ്യടക്കുകയും യോഗ്യതയുള്ളവര് കൃത്യമായി പ്രവേശനം നേടുകയും ചെയ്തതോടെ നീറ്റ് പരീക്ഷാ നടത്തിപ്പിന് വന്കയ്യടി ഉയരുകയാണ്.
