മലപ്പുറം: മലപ്പുറം വടപുറത്ത് ബസും ബൈക്കും കൂട്ടിയിടിച്ച് ബൈക്ക് യാത്രികന് മരിച്ചു. ഒതായി സ്വദേശി മുഹമ്മദ് അഷ്റഫ് (35) ആണ് മരിച്ചത്.
ബൈക്കില് ഒപ്പമുണ്ടായിരുന്ന അഷ്റഫിന്റെ ഭാര്യ റിന്സിയ, മക്കളായ ജന്ന ഫാത്തിമ, മിസ്ല ഫാത്തിമ എന്നിവര്ക്ക് പരിക്കേറ്റു.ഇവരെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
അഷ്റഫ് സഞ്ചരിച്ച ബൈക്കിലേക്ക് ബസ് ഇടിച്ചുകയറുകയായിരുന്നു. ബസിന്റെ മുന് ചക്രത്തിനടിയില് കുടുങ്ങിയ അഷ്റഫിനെയും വലിച്ചിഴച്ച് ബസ് അല്പ്പദൂരം മുന്നോട്ട് സഞ്ചരിക്കുകയും ചെയ്തു. ശബ്ദം കേട്ട് ഓടിക്കൂടിയ നാട്ടുകാരാണ് ബസ് ഡ്രൈവറോട് യുവാവ് ടയറിനടിയില് കുടുങ്ങിയ കാര്യം അറിയിച്ചത്. ബസ് പിറകോട്ട് എടുത്ത ശേഷം ഇയാളെ ചക്രത്തിനടിയില് നിന്ന് പുറത്തെടുക്കുകയായിരുന്നു.
റോഡില് തെറിച്ചുവീണ ഭാര്യയെയും രണ്ട് മക്കളെയും നാട്ടുകാര് ആദ്യം നിലമ്പൂര് ജില്ലാ ആശുപത്രിയിലും പിന്നീട് കോഴിക്കോട് മെഡിക്കല് കോളേജ് ആശുപത്രിയിലേക്കും കൊണ്ടുപോയി. ആശുപത്രിയിലേക്ക് കൊണ്ടുപോകും വഴിയാണ് അഷ്റഫ് മരണപ്പെട്ടത്.
