പേരൂര്ക്കട / തിരുവനന്തപുരം: ശശി തരൂരിന് തെരഞ്ഞെടുപ്പ് പ്രചാരണത്തിന് പോകാന് പറ്റാത്ത അവസ്ഥയില്. കഴിഞ്ഞ ഞായറാഴ്ച കോണ്ഗ്രസ് പ്രവര്ത്തകര് കൂകി വിളിച്ചെങ്കില് കഴിഞ്ഞ ദിവസം രാത്രിയില് പ്രചരണത്തിന് എത്തിയ ശശി തരൂരിനോട് ഇവിടെ വരേണ്ടെന്ന് കോണ്ഗ്രസുകാര്.
വിവിധ സ്ഥലങ്ങളിലെ സ്വീകരണങ്ങള് ഏറ്റുവാങ്ങിയശേഷമാണ് ഇന്നലെ രാത്രി 9.45ന് സ്ഥാനാര്ത്ഥി മണ്ണന്തലയില് എത്തിയത്. സംസാരിക്കാന് എണീറ്റപ്പോള് തരൂരിനെതിരെ മുദ്രാവക്യങ്ങളുമായി പ്രവര്ത്തകര് തിരിഞ്ഞു. ഇതോടെ കോണ്ഗ്രസുകാര് ഇരുവിഭാഗമായി തിരിഞ്ഞ് ഏറ്റുമുട്ടി. സംഘര്ഷത്തില് നിരവധി പേര്ക്ക് പരിക്കേറ്റു.
സംഘര്ഷം മൂര്ച്ഛിക്കേണ്ടെന്ന് കരുതി തരൂര് അവിടെ നിന്നും സ്ഥലംവിടുകയും ചെയ്തു. സംഘര്ഷത്തില് പരിക്കേറ്റവര് വിവിധ ആശുപത്രികളില് ചികിത്സ തേടി.
