കൊച്ചി: കൊച്ചിയില് പൊതുഗതാഗത രംഗത്ത് വീണ്ടും മുന്നേറ്റവുമായി ലൈട്രാം വരുന്നു. കൊച്ചി മെട്രോയുടെ അനുബന്ധ സര്വീസായി പദ്ധതി നടപ്പാക്കാനാണ് കൊച്ചി മെട്രോ റെയില് ലിമിറ്റഡ് ലക്ഷ്യമിടുന്നത്. ലൈട്രാം അധികൃതരുമായി കെഎംആര്എല് ചര്ച്ച നടത്തി.
എംജി റോഡ് മെട്രോ സ്റ്റേഷനില് നിന്ന് ഹൈക്കോര്ട്ട് ജങ്ഷന്മറൈന് െ്രെഡവ് വഴി, തേവര വരെ ബന്ധിപ്പിച്ചുള്ള ലൂപ്പ് ലൈനില് ട്രാം മോഡലിന്റെ സാധ്യതയെ കുറിച്ചാണ് ചര്ച്ച നടത്തിയത്. ഹെസ്സ് ഗ്രീന് മൊബിലിറ്റിയിലെ അധികൃതരുമായാണ് കൊച്ചിയില് വെച്ച് കെഎംആര്എല് ചര്ച്ച നടത്തിയത്. ഓസ്ട്രേലിയയിലെ ബ്രിസ്ബെയ്നില് ഉള്പ്പെടെ ലോകത്തിന്റെ വിവിധ ഭാഗങ്ങളില് ലൈട്രാം നടപ്പിലാക്കിയ സംഘമാണ് ഹെസ്സ് ഗ്രീന് മൊബിലിറ്റി.
കൊച്ചി മെട്രോ ഉദ്യോഗസ്ഥരോടൊപ്പം ലൈട്രാം അധികൃതര് പദ്ധതിക്കായി പരിഗണിക്കുന്ന സ്ഥലങ്ങള് സന്ദര്ശിച്ചു. എംജി റോഡ് മെട്രോ സ്റ്റേഷനില് നിന്ന് ഹൈക്കോര്ട്ട് ജങ്ഷന് മേനക ജോസ് ജങ്ഷന് വഴി തേവര വരെയുള്ള 6.2 കിലോമീറ്റര് ദൂരത്തില് ലൈട്രാം നടപ്പാക്കാന് സാധ്യമാകുന്ന മേഖലയാണെന്നാണ് ഹെസ്സ് ഗ്രീന് മൊബിലിറ്റി അധികൃതരുടെ പ്രാഥമിക വിലയിരുത്തല്. ലൈട്രാം നടപ്പിലാക്കുന്നത് സംബന്ധിച്ച് ഈ മേഖലയില് പ്രാഥമികമായി സാധ്യത പഠനവും തുടര്ന്ന് ഡിപിആറും തയ്യാറാക്കുവാനാണ് കെഎംആര്എല്ലിന്റെ തീരുമാനം.
പദ്ധതി യാഥാര്ത്ഥ്യമായാല് കൊച്ചി മെട്രോയുടെ ഫീഡര് ആയും മെട്രോയുടെ തന്നെ ഉദ്ദേശം നിറവേറ്റാനും ലൈട്രാമിന് സാധിക്കുമെന്നാണ് പ്രതീക്ഷയെന്ന് കെഎംആര്എല് മാനേജിങ് ഡയറക്ടര് ലോക്നാഥ് ബെഹ്റ പറഞ്ഞു. എംജി റോഡ് മെട്രോ സ്റ്റേഷനുമായി കൊച്ചി വാട്ടര് മെട്രോയുടെ ഹൈക്കോര്ട്ട് ജങ്ഷന് ടെര്മിനലിനെ ബന്ധിപ്പിക്കുവാന് ലൈട്രാം സഹായകരമാകും. തേവര ഭാഗത്ത് നിന്നും കൊച്ചിയുടെ പടിഞ്ഞാറന് മേഖലയില് നിന്നുള്ളവര്ക്കും മെട്രോയിലേക്ക് സുഗമമായി എത്താന് ഇതുവഴി സാധിക്കും.
റോഡ് നിരപ്പിലും, മെട്രോയ്ക്ക് സമാനമായും, ഭൂഗര്ഭമായും പ്രവര്ത്തിക്കാന് സജ്ജമാകുന്ന തരത്തിലുള്ളതാണ് ലൈട്രാമുകള്. മൂന്ന് ബോഗികളിലായി 25 മീറ്റര് നീളമുള്ള ലൈട്രാമില് 240 പേര്ക്ക് ഒരേ സമയം യാത്ര ചെയ്യാം. ഇലക്ട്രിക്ഹൈബ്രിഡ് ലൈട്രാമുകള് 100 ശതമാനം ചാര്ജ് ചെയ്യുന്നതിന് വെറും 6 മിനിറ്റ് മതി.
ഭിന്നശേഷി സൗഹൃദമാണ് ലൈട്രാമുകള് എന്നതും മറ്റൊരു ആകര്ഷണമാണ്. പരമ്പരാഗത മെട്രോയുടെ നാലില് ഒന്ന് മാത്രമാണ് ലൈട്രാം പദ്ധതിക്ക് ചെലവ് പ്രതീക്ഷിക്കുന്നത്. ഇന്ത്യയില് നിര്മ്മാണ യൂണിറ്റുകള് ആരംഭിക്കുവാന് പദ്ധതിയുണ്ടെന്നും ഇവ യാഥാര്ത്ഥ്യമായാല് പദ്ധതി ചെലവ് വീണ്ടും കുറയ്ക്കുവാന് സാധിക്കുമെന്നും ഹെസ് ഗ്രീന് മൊബിലിറ്റി ഇന്ത്യ െ്രെപവറ്റ് ലിമിറ്റഡ് അറിയിച്ചു.
