നടന്‍ ബൈജു സന്തോഷിന്റെ മരുമകന്‍ പഞ്ചാബില്‍ വേരുകളുള്ള മലയാളി മാതാപിതാക്കളുടെ മകനാണെന്ന് മകള്‍ ഐശ്വര്യ വെളിപ്പെടുത്തി. മലയാളികളാണെങ്കിലും ഭര്‍ത്താവ് രോഹിത് നായര്‍ ജനിച്ചു വളര്‍ന്നത് പഞ്ചാബിലായതിനാല്‍ കേട്ടാല്‍ മലയാളം അറിയാമെങ്കിലും മലയാളം ഒഴുക്കോടെ പറയില്ലെന്നും ഐശ്വര്യ പറയുന്നു.
ചെന്നൈയില്‍ എന്‍ജിനീയറായി ജോലി ചെയ്യുന്ന രോഹിത്തിനെ മാട്രിമോണിയല്‍ സൈറ്റ് വഴിയാണ് കണ്ടെത്തിയത് എന്നും ഐശ്വര്യ ഒരു അഭിമുഖത്തില്‍ വെളിപ്പെടുത്തി. ഏത് നാട്ടുകാരന്‍ എന്നതല്ല മറ്റു കാര്യങ്ങളാണ് വിവാഹത്തിന് പരിഗണിച്ചത്.
വരന്‍ രോഹിത് നായരുടെ അച്ഛനും അമ്മയും പത്തനംതിട്ടയില്‍ നിന്നുള്ളവരാണ്. സംസാരിച്ചപ്പോള്‍ തന്നെ മനസിലാക്കാന്‍ കഴിയുന്ന ആളാകുമെന്ന് തോന്നി. അച്ഛന്‍ പൊതുവേ ഒന്നിനും എതിര്‍പ്പ് പറയാറില്ല.മലയാളം അറിയാത്ത ആളായത് കൊണ്ടു ബുദ്ധിമുട്ടാവില്ലേയെന്ന് മാത്രമാണ് അച്ഛന്‍ ചോദിച്ചത്. പഞ്ചാബില്‍ ജനിച്ചു വളര്‍ന്നുവെങ്കിലും മലയാളം കേട്ടാല്‍ മനസിലാകും എന്നാണ് ഐശ്വര്യ പറയുന്നത്.
വധുവായ ഐശ്വര്യ മലയാളത്തില്‍ അറിയപ്പെടുന്ന നടന്റെ മകളാണെന്ന് വിവാഹാലോചന വന്ന സമയത്ത് അറിഞ്ഞിരുന്നില്ല എന്ന് രോഹിത് നായരും പറയുന്നു. പിന്നീടാണ് അക്കാര്യം മനസിലാക്കിയത്.
ഐശ്വര്യയെ പരിചയപ്പെട്ടപ്പോള്‍ കൂടുതല്‍ ഇഷ്ടം തോന്നിയെന്നും രോഹിത് പറയുന്നുണ്ട്. നടന്‍ ബൈജുവിന്റെ മൂത്ത മകളാണ് ഐശ്വര്യ. തിരുവനന്തപുരത്തെ ട്രിവാന്‍ഡ്രം ക്ലബ്ബില്‍ വച്ചായിരുന്നു ഐശ്വര്യയുടെയും രോഹിതിന്റെയും വിവാഹം. ബൈജുവിന്റെ മകള്‍ ഐശ്വര്യ ഡോക്ടറാണ്.
