കൊല്ലം : തെരഞ്ഞെടുപ്പ് ബോണ്ടില് സിപിഎമ്മിനെതിരെ ഗുരുതര ആരോപണമുന്നയിച്ച് ആര്എസ്പി നേതാവ് ഷിബു ബേബി ജോണ്.തെരഞ്ഞെടുപ്പ് ബോണ്ടില് ഉള്പ്പെട്ട വിവാദ ഫാര്മ കമ്പനികളില് നിന്ന് സിപിഎം പണം വാങ്ങിയെന്ന് ഷിബു ബേബി ജോണ് കൊല്ലത്ത് വാര്ത്താ സമ്മേളനത്തില് ആരോപിച്ചു.
വിവാദ ഫാര്മ കമ്പനികളായ മേഘാ എഞ്ചിനിയറിംഗ്,നവയുഗ എഞ്ചിനിയറിംഗ് എന്നിവയില് നിന്നാണ് സിപിഎം പണം വാങ്ങിയതെന്ന് ഷിബു ബേബി ജോണ് ആരോപിച്ചു. ഇതിന് പുറമെ കിറ്റെക്സില് നിന്നും മുത്തൂറ്റില് നിന്നും പണം വാങ്ങി.
യൂണിടെക്കില് നിന്നും രണ്ടുതവണ പണം സി പി എം വാങ്ങി. കേന്ദ്ര തെരഞ്ഞെടുപ്പ് കമ്മീഷന് നല്കിയ ഓഡിറ്റ് റിപ്പോര്ട്ടിലുളള പണം വാങ്ങിയ കണക്കുകളാണ് ഷിബു ബേബി ജോണ് പുറത്തുവിട്ടത്.
വിവാദ കമ്പനികളില് നിന്ന് പണം വാങ്ങിയിട്ടില്ലെന്ന സിപിഎം നിലപാട് ഇരട്ടത്താപ്പാണെന്ന് ഷിബു ബേബി ജോണ് പറഞ്ഞു.
