കാസര്ഗോഡ്: ക്ഷേത്രത്തിലെ അന്നദാനത്തിലൂടെ ഭക്ഷ്യവിഷബാധയേറ്റ് അമ്പതോളം പേര് ചികിത്സ തേടി. പാലായിലെ തറവാട് ക്ഷേത്രത്തില് കളിയാട്ടത്തോടനുബന്ധിച്ച് നടത്തിയ അന്നദാനത്തിനിടെയാണ് ഭക്ഷ്യവിഷബാധയേറ്റത്.
ഛര്ദിയും തലവേദനയുമുള്പ്പെടെയുളള ലക്ഷണങ്ങളുണ്ടായ നിരവധി പേര് ചികിത്സ തേടി. നീലേശ്വരം താലൂക്ക് ആശുപത്രിയിലും തേജസ്വിനി, എന്കെബിഎം ആശുപത്രികളിലുമാണ് അസ്വസ്ഥതയുമായി ആള്ക്കാരെത്തിയത്.
ആരുടെയും നില ഗുരുതരമല്ലെന്ന് താലൂക്ക് ആശുപത്രി സൂപ്രണ്ട് അറിയിച്ചു. നഗരസഭാ ആരോഗ്യവിഭാഗം സ്ഥലത്തെത്തി പരിശോധന നടത്തി.
