വിനീത മുരളി
കൊഴിഞ്ഞു പോം പൂവിന്
ദലങ്ങളെന്നപോല്
പൊഴിഞ്ഞു പോവുന്നു
വയസ്സെനിക്കെങ്കിലും
അറിയുന്നില്ലതിന് വേദന ഞാനൊന്നുമേ
ഏറുകയാണ് സ്നേഹബന്ധങ്ങളെന്നില്
കാത്തിരിക്കുന്നു ഞാനാ നല്ല നാളിനായി
ചേരുന്നിതാ മിത്രങ്ങള് സ്നേഹാദരപൂര്വം
നേരുന്നാശംസകള് ആയുസ്സിനായി
നിറയുന്നു മനം സ്നിഗ്ധമാം
സൗഹൃദങ്ങളാല്
കുറിച്ചിരുന്നു നമുക്കായുസ്സ്
നൂറെന്നു പിതൃക്കള്
എത്തുന്നതില്ല ശതാബ്ധിക്ക്
നമ്മളാരും നിശ്ചയം
ഷഷ്ടിപൂര്ത്തിയോടെ തീരുന്നു നല്ല കാലം
ആര്ത്തണയും തിരമാലകള് പോല് വന്നു-
ചേരുന്നു വിരുന്നുകാര് മഹാരോഗങ്ങള്
പോവുകയാണ് മൃത്യു നമ്മെയും കൂട്ടി
കാലം കരുതി വച്ചൊരാ മഞ്ചലില്
ഇല്ലധികം നാളുകള് നമുക്കിനി
യുണ്ടല്ലോ ഈ നിമിഷം മാത്രം സ്വന്തം
മാറ്റിവയ്ക്കല്ലേ നാളേക്കായൊന്നുമേ
ആഘോഷിക്കാം നമുക്കീ പിറന്നാള്
കൊളുത്തീടാം നന്മതന് വിളക്കുകള്
കാണുന്നുണ്ട് ഞാനൊരു കരിന്തിരി
പകര്ന്നിടാമൊരു തിരിനാളമതിലേക്കും
