കോട്ടയം: കൊഴുവനാല്‍ പഞ്ചായത്തിലെ തോടനാല്‍, മുത്തോലി പഞ്ചായത്തിലെ പുലിയന്നൂര്‍ എന്നിവിടങ്ങളില്‍ ഇന്‍ഡോര്‍ ബാഡ്മിന്റന്‍ കോര്‍ട്ടുകള്‍ സജ്ജമായി . പഞ്ചായത്ത് പ്രദേശത്തുള്ളവര്‍ക്ക് പകല്‍ സമയങ്ങളിലും വൈകിട്ടും ഷട്ടില്‍ കളിക്കുന്നതിനുള്ള സൗകര്യവും ഇവിടെ ഏര്‍പ്പെടുത്തും. ജില്ലാ പഞ്ചായത്ത് അനുവദിച്ച 35 ലക്ഷം രൂപ ഉപയോഗിച്ചാണ് തോടനാലില്‍ പഞ്ചായത്തുവക സ്ഥലത്ത് രാജ്യാന്തര നിലവാരമുള്ള ഇന്‍ഡോര്‍ ബാഡ്മിന്റന്‍ കോര്‍ട്ട് പൂര്‍ത്തിയായത്്. 100 പേര്‍ക്കുള്ള ഇരിപ്പിടവുമുണ്ട്. പുലിയന്നൂര്‍ ബാഡ്മിന്റന്‍ കോര്‍ട്ടിന്റെ ആദ്യഘട്ട പ്രവര്‍ത്തനങ്ങള്‍ മുത്തോലി പഞ്ചായത്തിന്റെ നേതൃത്വത്തിലാണ് നടത്തിയത്. രണ്ടാം ഘട്ട പ്രവര്‍ത്തനങ്ങള്‍ക്ക് ജില്ലാ പഞ്ചായത്ത് 12 ലക്ഷം രൂപ അനുവദിച്ചു. വേള്‍ഡ് ഫെഡറേഷന്‍ അംഗീകരിച്ചിട്ടുള്ള പി.വി.സി വിനയല്‍ മാറ്റാണ് കോര്‍ട്ടില്‍ വിരിച്ചിട്ടുള്ളത്. കളിക്കാര്‍ക്കുള്ള വിശ്രമസ്ഥലവും ശുചിമുറികളും ഇതോടനുബന്ധിച്ച് നിര്‍മിച്ചിട്ടുണ്ട്.
ജില്ലാ പഞ്ചായത്ത് കിടങ്ങൂര്‍ ഡിവിഷന്‍ പരിധിയിലുള്ള മറ്റു പഞ്ചായത്തുകളിലും സ്ഥലം ലഭ്യമാകുന്ന മുറയ്‌ക്ക് ഇന്‍ഡോര്‍ ബാഡ്മിന്റന്‍ കോര്‍ട്ട് പദ്ധതി നടപ്പാക്കും.
കൊഴുവനാലിലും മുത്തോലിയിലും രാജ്യാന്തര ബാഡ്മിന്റന്‍ കോര്‍ട്ട് : നാട്ടുകാര്‍ക്കും കളിക്കാം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.