കൊച്ചി: കുടുംബ വഴക്കിനെ തുടര്ന്ന് മകന്റെ ഭാര്യയെ കഴുത്തറുത്ത് കൊലപ്പെടുത്തി ഭര്തൃപിതാവ് തൂങ്ങിമരിച്ചു.എറണാകുളം വടക്കന് പറവൂരില് രാവിലെ പതിനൊന്നുമണിയോടെയാണ് കൊലപാതകം നടന്നത്. കൊച്ചങ്ങാടി കാനപ്പിള്ളി സെബാസ്റ്റ്യന്(64) ആണ് മകന് സിനോജിന്റെ ഭാര്യ ഷാനുവിനെ കൊലപ്പെടുത്തിയതിന് ശേഷം തൂങ്ങിമരിച്ചത്.
ഷാനുവും ഭര്തൃ പിതാവും തമ്മില് ഏറെ നാളായി തര്ക്കത്തിലാണ്. ആറുമാസം മുമ്പ് തര്ക്കം രൂക്ഷമായതിനെ തുടര്ന്ന് ഇവരുവരും പരസ്പ്പരം സംസാരിക്കാത്ത നിലയിലെത്തി. ഫാക്ടിലെ കരാര് ജീവനക്കാരനായ സിനോജ് രാവിലെ ജോലിസ്ഥലത്തേക്ക് പോയ ശേഷമാണ് കൊലപാതകം നടന്നത്. ഇന്ന് വഴക്കിന് പിന്നാലെ സെബാസ്റ്റ്യന് ഷാനുവിന്റെ കഴുത്തില് കത്തികൊണ്ട് കുത്തുകയായിരുന്നു.
കൊലപാതകം നടക്കുമ്പോള് സെബാസ്റ്റ്യന്റെ ഭാര്യ വീട്ടിലുണ്ടായിരുന്നില്ല. അച്ഛനുമായി അഭിപ്രായ വ്യത്യാസം മൂലം സിനോജിന്റെ സഹോദരന് ഈ വീട്ടിലല്ല താമസം. അടുത്ത ആഴ്ച്ച ഈ വീട്ടില് നിന്ന് താമസം മാറാനിരിക്കുകയായിരുന്നു സിനോജും ഭാര്യ ഷാനുവും. ഇതിനിടെയാണ് കൊലപാതകം. ഇവര്ക്ക് അഞ്ചുവയസുള്ള ഇരട്ടക്കുട്ടികളാണുളളത്.
