ന്യൂദൽഹി: ‘പിഎം-സൂര്യ ഘർ: മുഫ്ത് ബിജിലി യോജന’ എന്ന മേൽക്കൂര സോളാർ പദ്ധതിക്ക് കീഴിൽ ഇതിനകം ഒരു കോടിയിലധികം കുടുംബങ്ങൾ രജിസ്റ്റർ ചെയ്തിട്ടുണ്ടെന്ന് പ്രധാനമന്ത്രി നരേന്ദ്ര മോദി ശനിയാഴ്ച പറഞ്ഞു. തന്റെ എക്സ് അക്കൗണ്ടിലൂടെയാണ് ഇക്കാര്യം അദ്ദേഹം അറിയിച്ചത്.
ഇത് മികച്ച വാർത്തയെന്ന് അദ്ദേഹം പ്രശംസിച്ചു. “രാജ്യത്തിന്റെ എല്ലാ ഭാഗങ്ങളിൽ നിന്നും രജിസ്‌ട്രേഷനുകൾ കൂടുകയാണ്. അസം, ബിഹാർ, ഗുജറാത്ത്, മഹാരാഷ്‌ട്ര, ഒഡീഷ, തമിഴ്‌നാട്, ഉത്തർപ്രദേശ് എന്നിവിടങ്ങളിൽ 5 ലക്ഷത്തിലധികം അപേക്ഷകൾ കണ്ടു,” – എക്സ്’-ലെ ഒരു പോസ്റ്റിൽ അദ്ദേഹം പറഞ്ഞു.
ഊർജ ഉൽപ്പാദനം ഉറപ്പാക്കുന്നതിനൊപ്പം വീടുകളിലെ വൈദ്യുതി ചെലവിൽ ഗണ്യമായ കുറവും ഈ സംരംഭം വാഗ്ദാനം ചെയ്യുന്നുണ്ടെന്ന് ചൂണ്ടിക്കാട്ടി ഇതുവരെ രജിസ്റ്റർ ചെയ്യാത്തവരോട് എത്രയും വേഗം രജിസ്റ്റർ ചെയ്യണമെന്നും പ്രധാനമന്ത്രി ആവശ്യപ്പെട്ടു.
