അറ്റകുറ്റപ്പണികള്‍; ട്രെയിനുകള്‍ ഭാഗികമായി റദ്ദാക്കി

തിരുവനന്തപുരം: തിരുവനന്തപുരം റെയില്‍വേ ഡിവിഷനിലെ അറ്റകുറ്റപ്പണികളുടെ ഭാഗമായി ട്രെയിന്‍ സര്‍വീസില്‍ നിയന്ത്രണം ഏര്‍പ്പെടുത്തി. 12 ട്രെയിനുകള്‍ പുറപ്പെടുന്ന സമയത്തില്‍ നിയന്ത്രണം ഏര്‍പ്പെടുത്തിയിട്ടുണ്ട്. ഇവ പുറപ്പെടുന്ന സമയം രണ്ടര മണിക്കൂര്‍ വരെ വൈകിയേക്കും. ചില ട്രെയിനുകള്‍ ഭാഗികമായി റദ്ദാക്കുകയും മറ്റ് ചിലത് റൂട്ട് മാറ്റി വിടുകയും ചെയ്യുന്നുണ്ട്.

ഭാഗികമായി റദ്ദാക്കിയവ

തിരുവനന്തപുരം- ഗുരുവായൂര്‍ ഇന്റര്‍സിറ്റി എക്‌സ്പ്രസ് എറണാകുളത്ത് സര്‍വീസ് അവസാനിപ്പിക്കും. മാര്‍ച്ച് 15,16,18,19 എന്നീ തീയതികളിലാണ് സര്‍വീസ് ഭാഗികമായി റദ്ദാക്കിയിരിക്കുന്നത്. ഗുരുവായൂര്‍- തിരുവനന്തപുരം ഇന്റര്‍സിറ്റി എക്‌സ്പ്രസ് രാവിലെ 5.20-ന് എറണാകുളത്ത് നിന്നും സര്‍വീസ് ആരംഭിക്കും. മാര്‍ച്ച് 16,17,19,20 എന്നീ തിയതികളിലാകും ഇവിടെ നിന്നും സര്‍വീസ് ആരംഭിക്കുക.മാര്‍ച്ച് 17,18 തീയതികളില്‍ കൊല്ലം-എറണാകുളം മെമു കോട്ടയത്ത് യാത്ര അവസാനിപ്പിക്കും.