ന്യൂദല്‍ഹി : പരിക്ക് ഭേദമാകാത്തതിനാല്‍ ഇത്തവണത്തെ ടി 20 ലോകകപ്പില്‍ മൊഹമ്മദ് ഷമി കളിക്കില്ല. ഇടത് കണങ്കാലിന് ഏറ്റ പരിക്ക് മാറാന്‍ സമയം എടുക്കുമെന്നതിനാലാണിത്.
ബി സി സി ഐ സെക്രട്ടറി ജയ് ഷാ ആണ് ഇക്കാര്യം വെളിപ്പെടുത്തിയത്. ശസ്ത്രക്രിയക്ക് വിധേയനായ ഷമി ഇപ്പോള്‍ വിശ്രമത്തിലാണ്. ഈ മാസം നടക്കുന്ന ഇന്ത്യന്‍ പ്രീമിയര്‍ ലീഗിലും മുഹമ്മദ് ഷമി കളിക്കില്ല.
സെപ്തംബറിലെ ബംഗ്ലാദേശ് പരമ്പരയില്‍ ആകും ഇനി ഷമി കളിക്കുക എന്ന് ജയ് ഷാ വെളിപ്പെടുത്തി. ബംഗ്ലാദേശ് പരമ്പരയില്‍ രണ്ട് ടെസ്റ്റും മൂന്ന് ടി20യും ഇന്ത്യ കളിക്കുന്നുണ്ട്.
ലോകകപ്പ് ഫൈനലിന് ശേഷം ഷമി കളത്തിലിറങ്ങിയിട്ടില്ല. പരിക്കുമായി ലോകകപ്പില്‍ കളിച്ച ഷമി ഗംഭീര പ്രകടനം കാഴ്ചവച്ചിരുന്നു.
