തിരുവനന്തപുരം: പാറശാലയ്‌ക്ക് സമീപം പരശുവയ്ക്കലില് ബൈക്കുകള്‍ കൂട്ടിയിടിച്ച് രണ്ട് പേര്‍ക്ക് പരിക്ക്. പരിക്കേറ്റ ഇരുവരുടെയും നില ഗുരുതരം.
തിരുവനന്തപുരത്ത് നിന്നും കളിയിക്കാവിളയ്‌ക്ക് വരികയായിരുന്ന ബൈക്കും പാറശാലയില്‍ നിന്നും നെയ്യാറ്റിന്‍കരയിലേക്ക് പോകുകയായിരുന്ന ബൈക്കുമാണ് കൂട്ടിയിടിച്ചത്. തിരുവനന്തപുരത്തേക്ക് പോവുകയായിരുന്ന കാര്‍ റോഡിന്റെ മധ്യഭാഗത്തേക്ക് കയറിയപ്പോള്‍ എതിരെ വന്ന ബൈക്ക് നിയന്ത്രണം വിടുകയായിരുന്നു.
നിയന്ത്രണം വിട്ട ബൈക്ക് എതിരെ വന്ന ബൈക്കുമായി കൂട്ടിയിടിക്കുകയായിരുന്നു. പരിക്കേറ്റ രണ്ടുപേരെയും തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു.
