പട്ന: കേന്ദ്ര ആഭ്യന്തര മന്ത്രി അമിത് ഷാ ഇന്ന് ബിഹാർ സന്ദർശിക്കും. ബിഹാറിലെ മുതിർന്ന ബിജെപി നേതാവായ കൈലാസ്പതി മിശ്രയുടെ സ്മാരകം ഉദ്ഘാടനം ചെയ്യാനും പാർട്ടിയുടെ ഒബിസി മോർച്ചയുടെ പൊതുയോഗത്തെ അഭിസംബോധന ചെയ്യാനുമാണ് അമിത് ഷാ ശനിയാഴ്ച ബിഹാറിലെത്തുന്നത്.
അമിത് ഷാ പട്നയുടെ പ്രാന്തപ്രദേശത്തുള്ള അഗ്രികൾച്ചറൽ ടെക്നോളജി ആപ്ലിക്കേഷൻ റിസർച്ച് ഇൻസ്റ്റിറ്റ്യൂട്ടിലേക്ക് (ATARI) ആദ്യം സന്ദർശനം നടത്തുമെന്ന് സംസ്ഥാന ബിജെപി വക്താവ് മനോജ് ശർമ പറഞ്ഞു.
“ഇൻസ്റ്റിറ്റ്യൂട്ട് സംഭാവന ചെയ്ത രണ്ട് ഏക്കർ സ്ഥലത്ത് അന്തരിച്ച കൈലാസ്പതി മിശ്രയുടെ പേരിൽ ഒരു പാർക്ക് വികസിപ്പിച്ചിട്ടുണ്ട്. ആഭ്യന്തര മന്ത്രി പാർക്ക് ഉദ്ഘാടനം ചെയ്യുകയും അന്തരിച്ച നേതാവിന്റെ പ്രതിമ അനാച്ഛാദനം ചെയ്യുകയും ചെയ്യും” – ബിജെപി വക്താവ് പറഞ്ഞു.
