പാലക്കാട്: പട്ടാമ്പി നേർച്ചയ്ക്കെത്തിയ ആന ലോറിയിൽ നിന്ന് ഇറങ്ങിയോടി. ഡ്രൈവർ ചായകുടിക്കാൻ ഇറങ്ങിയപ്പോഴാണ് ആന ഇറങ്ങിയോടിയത്. ആന ഒരാളെ ആക്രമിച്ചു. ഇതിന് പിന്നാലെയാണ് ആനയെ തളച്ചത്.
ഇന്ന് പുലർച്ചെ നാല് മണിയോടെയായിരുന്നു സംഭവം. പട്ടാമ്പി നേർച്ചയ്ക്ക് ശേഷം തിരികെ കൊണ്ടുപോയ ആനയാണ് ഇറങ്ങി ഓടിയത്. തമിഴ്നാട്ടിൽ നിന്ന് ആട് മേയ്ക്കാനെത്തിയ കന്ദസ്വാമി എന്നയാളെയാണ് ആന ആക്രമിച്ചത്.
നടുവിന് സാരമായി പരിക്കേറ്റ കന്ദസ്വാമിയെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്. കൂടാതെ രണ്ട് പശുക്കളെയും ഒരു ആടിനെയും ആന ആക്രമിച്ചു. സമീപ പ്രദേശത്തെ ഒരു വീടിനും നാശനഷ്ടമുണ്ടായി. ഒരു കിലോമീറ്ററോളമാണ് ആന സഞ്ചരിച്ചത്.
