തിരുവനന്തപുരം: വര്ക്കലയില് ട്രെയിന് തട്ടി മരിച്ച അമ്മയെയും കുഞ്ഞിനെയും തിരിച്ചറിഞ്ഞു.മേല്വട്ടൂര് മഹേഷിന്റെ ഭാര്യ ശരണ്യ (25), മിഥുന് (5) എന്നിവരാണ് മരിച്ചത്.
ഭര്ത്താവിന്റെ മദ്യപാനം മൂലം ശരണ്യ ജീവനൊടുക്കുകയായിരുന്നുവെന്നാണ് പൊലീസ് നിഗമനം. ഇക്കാര്യത്തില് കൂടുതല് അന്വേഷണം നടത്തേണ്ടതുണ്ടെന്ന് പൊലീസ് പറഞ്ഞു. സംഭവത്തില് വര്ക്കല പൊലീസ് കേസെടുത്ത് അന്വേഷണം തുടങ്ങി.
ബുധനാഴ്ച ഉച്ചയ്ക്ക് 12 മണിയോടുകൂടിയാണ് സംഭവം. കൊല്ലം ഭാഗത്തു നിന്നും തിരുവനന്തപുരം ഭാഗത്തേക്ക് പോയ മെമു ട്രെയിന് തട്ടിയാണ് അമ്മയും കുഞ്ഞും മരിച്ചതെന്നാണ് പൊലീസ് കരുതുന്നത്. ഇരുവരുടേയും മൃതദേഹങ്ങള് വര്ക്കല താലൂക്ക് ആശുപത്രിയിലേക്ക് മാറ്റിയിരുന്നു.
