കണ്ണൂർ: ഏഷ്യയിലെ ഏറ്റവും വലിയ പ്ലൈവുഡ് സ്ഥാപനമായ വളപട്ടണം വെസ്റ്റേൺ ഇന്ത്യ പ്ലൈവുഡ് ഹാർഡ് ബോർഡ് നിർമ്മാണ പ്ലാന്റിൽ വൻ തീപിടിത്തം. ഇന്നലെ രാത്രി 9.35-ഓടെയായിരുന്നു സംഭവം. തീപിടിത്തത്തിന്റെ കാരണം വ്യക്തമല്ല.
കണ്ണൂരിൽ നിന്നെത്തിയ അഗ്നിരക്ഷാസേനയും കമ്പനിയിലെ ഫയർ എഞ്ചിനും ചേർന്നാണ് തീ നിയന്ത്രണവിധേയമാക്കാൻ ശ്രമം നടത്തിയത്. സംഭവത്തിൽ കൂടുതൽ അന്വേഷണം നടന്നു വരികയാണെന്ന് പോലീസ് അറിയിച്ചു. എത്ര ലക്ഷം രൂപയുടെ നാശനഷ്ടം സംഭവിച്ചുവെന്ന് വ്യക്തതയില്ല.
