പുല്പ്പള്ളി: കാട്ടാനയുടെ ആക്രമണത്തില് കൊല്ലപ്പെട്ട പോളിന്റെ മൃതദേഹവുമായി നടന്ന പ്രതിഷേധത്തിനിടെയുണ്ടായ ഉണ്ടായ അക്രമങ്ങളെ തുടര്ന്ന് രണ്ടുപേര് അറസ്റ്റില്. വനംവകുപ്പ് വാഹനം ആക്രമിച്ച കേസിലാണ് രണ്ടുപേരെ അറസ്റ്റുചെയ്തത്.
കുറിച്ചിപ്പറ്റ സ്വദേശി ഷിജു, പുല്പ്പള്ളി സ്വദേശി വാസു എന്നിവരെയാണ് അറസ്റ്റ് ചെയ്തത്.നാല് എഫ്ഐആര് ആണ് പൊലീസ് രജിസ്റ്റര് ചെയ്തിട്ടുളളത്. നൂറോളം പേര്ക്കെതിരെ കേസ് എടുത്തിരുന്നു. അടുത്ത ദിവസങ്ങളില് കൂടുതല് അറസ്റ്റിന് സാധ്യതയുണ്ട്.
വന്യ മൃഗങ്ങളുടെ നിരന്തര ആക്രമണത്തില് ജീവന് പൊലിയുന്ന സംഭവങ്ങള് പതിവായതോടെ വന് പ്രതിഷേധം കഴിഞ്ഞ ദിവസം ഉണ്ടായിരുന്നു. വനം വകുപ്പിന്റെ ജീപ്പിന്റെ ടയറിലെ കാറ്റ് ഊരി വിടുകയും ചെയ്തു. പൊലീസിന് നേരെയും അക്രമമുണ്ടായി.
