ചെന്നൈ: റിലീസായതിന്റെ രണ്ടാം ദിനം ആഗോള ബോക്സോഫീസില് 100 കോടി നേടി വിജയിന്റെ ജനനായകന് ജൈത്രയാത്ര തുടരുകയാണ്. അതിനിടെ വിജയിന്റെ ഭാര്യ സിനിമ കാണാന് തിയറ്ററില് എത്തുന്ന ഒരു വീഡിയോ വൈറലായി പ്രചരിക്കുകയാണ്.എന്താണ് അതിന്റെ വാസ്തവം എന്ന അന്വേഷണത്തിലാണ് വിജയ് ഫാന്സ്.
മാസ്ക് ധരിച്ച് ഒരു വാഹനത്തില് നിന്ന് സംഗീത തിയറ്ററിന് മുന്പില് വന്ന് ഇറങ്ങുന്നതാണ് ഇന്സ്റ്റഗ്രാമില് പ്രചരിക്കുന്ന ഈ വീഡിയോ. ഇരുവരും തമ്മിലുളള വിവാഹമോചനക്കേസ് കോടതിയില് നില്ക്കുമ്പോഴാണ് ഈ വാര്ത്ത. അതേ സമയം ജനനായകൻ കാണാൻ സംഗീത എത്തിയത് സ്ഥിരീകരിക്കുന്ന യാതൊരു തെളിവുകളും പുറത്തുവന്നിട്ടില്ല. അതേ സമയം, തൃഷ അമ്മ ഉമാ കൃഷ്ണനൊപ്പം ജനനായകൻ കാണാൻ വന്ന ദൃശ്യങ്ങൾ ഇതിനോടകം വൈറലായിരുന്നു
എന്തായാലും വിജയ് സിനിമ രണ്ട് ദിവസം കൊണ്ട് 100 കോടി കടന്നിരിക്കുന്നു. വിജയ്യുടെ സ്റ്റാർ പവർ തന്നെയാണ് ആകര്ഷണം. വ്യാജ പതിപ്പ് വ്യാപകമായി പ്രചരിച്ചിട്ടും റിലീസ് ഏഴു മാസത്തിലേറെ വൈകിയിട്ടും ബോക്സോഫീസില് ഇടിമുഴക്കം സൃഷ്ടിക്കുകയാണ് ജനനായകന്. റിലീസ് ദിവസം ഡൊമസ്റ്റിക്ക് മാർക്കറ്റില് 50.28 കോടി രൂപയും ഓവർസീസ് മാർക്കറ്റില് നിന്ന് 30 കോടി രൂപയും നേടി. കേരളത്തില് നിന്ന് ആദ്യ ദിവസം 5.80 കോടി രൂപ ഗ്രോസ് നേടിയ ജനനായകന് കർണ്ണാടകയില് നിന്ന് 11.51 കോടിയും ഗ്രോസ് വന്നു.
മലയാളി നടി മമിത ബൈജുവിന് വലിയ ബ്രേക്ക് സമ്മാനിച്ചിരിക്കുകയാണ് ജനനായകന്.
